Орц:
Масло – 175 гр
Элсэн чихэр – 175 гр
Гурил – 125гр
Өндөг – 3ш
Нарийн боовны хөөлгөгч – 3гр
Нимбэгний хальс – 5 гр
Ванилин – 1гр
Алим – 200гр
Интоор жимс – 15гр
Сүүн крем – 50гр
Сахарын пудр – 10гр
Хийх арга
Маслоо тасалгааны температурт хайлуулж зөөллөн элсэн чихрээ нэмж жигд холино.
Бэлэн болсон бялуугаа зурган дээрх байдлаар 6 зүсэм болгон хэрчиж чимэглээрэй. Хэрчиж бэлэн болсон бялуун дээрээ сахарын пудр цацаж, сүүн крем, шоколадны сироп, интоорын жимсээр чимэглэнэ.
Өндөгөө хагалаад, хагалсан өндөг дээрээ гурилаа шигшиж хийнэ.
Алимны голыг авч хальслан алимаа ташуу нимгэн хэрчинэ.
Масло, элсэн чихэр, өндөг, гурилны холимог дээрээ үрсэн нимбэгийн хальс, нарийн боовны хөөлгөгч, ванилинаа хийж жигд холин, зуурмагаа зуурч 5 минут орчим амраана.
Амраасан гурилын зуурмаг дээрээ хэрчсэн алимаа хийж хэсэг хутгаад зуурмаг бэлэн болно.
Бэлэн болсон зуурмагаа нарийн боовны хэвэнд хийж, шарах шүүгээгээ 200 градуст халааж 30 минут шарж, жигнэн бялуугаа болгоно.
Алим бол байгаль дэлхийн хүн төрөлхтөн бидэнд өгсөн гайхалтай бэлэг юм. Яагаад гэж үү?
2004 онд АНУ-ын Хөдөө Аж Ахуйн Департментын эрдэмтэд антиоксидантаар баялаг 100 хүнсний бүтээгдэхүүний жагсаалтыг гаргасан бөгөөд өөр өөр амт бүхий хоёр алим 12 болон 13-р байрт бичигджээ.
Мөн алим нь пектиний бодисоор баялаг байхаас гадна хүний бие махбодод нэн тустай “ислэг” агуулдаг хүнс юм. Дунд зэргийн нэг алим 4 грамм орчим ислэг агуулдаг.
Ингээд уншигч та бүхний амралтын өдөрт зориулж алим жимсний ашиг тусыг танилцуулж байна.
Эрүүл, гялалзсан цагаан шүд…
Алим нь шүдний оо, сойзыг орлож чадахгүй л дээ. Гэхдээ алимыг хазаж, зажлах үед амны хөндийд шүлс ихээр ялгарч, бактерийн нөлөөнөөс болж шүдний өвчлөл үүсэх болон шарлахаас сэргийлдэг байна.
Альцгеймер өвчнөөс сэргийлнэ
Хулгануудад хийсэн сүүлийн үеийн судалгаанаас дурдвал алимны шүүс уусан хулгана альцгеймер өвчнөөс сэргийлэх буюу тархи, оюун ухааны хөгшрөлттэй тэмцэх чадвартай болсон байна.
Судалгаанд хулгануудад тогтмол алимны төрлийн зүйлийг идүүлсэн бөгөөд хулгануудын ой санамж болон анхаарал төвлөрөлт сайжирсан үр дүн ажиглагджээ.
Паркинсоны өвчнөөс…
Судалгаагаар жимс түлхүү хэрэглэдэг хүмүүс энэ өвчнөөс хамгаалагдах чадвартай байдаг нь тогтоогджээ.
Паркисоны өвчин нь тархины дофамин хэмээх бодисыг ялгаруулдаг мэдрэлийн төв эс гэмтсэнээс үүсдэг бөгөөд энэ өвчний улмаас хүн бага багаар тэнцвэрээ алдаж эхэлдэг байна.
Хорт хавдраас айх хэрэггүй
Алим нь нойр булчирхайн хорт хавдраас сэргийлэх чадварыг 23 хувиар нэмэгдүүлдэг бол алимны хальсанд агуулагдах тритерпеноид бодис нь хорт хавдрын эсийн өсөлтийг зогсоож, бүрэн устгадаг байна.
Мөн алимыг бүдүүн гэдэс болон хөхний хорт хавдраас урьдчилан сэргийлэх чадварыг нэмэгдүүлдэг болохыг нотолсон байдаг бөгөөд хорт хавдрыг бууруулах үүднээс АНУ-ын Үндэсний Хорт Хавдрын Институтын судлаач, мэргэжилтнүүд алим идэж байхыг зөвлөсөн байна.
Цусан дахь холестеринийг…
Алиманд агуулагдах уусдаг ислэг нь холестеринийг хэвийн түвшинд барьж, жингийн илүүдэл, харвин үүсэхээс сэргийлэх бөгөөд таныг илүү эрүүл чийрэг байхад туслах болно.
Зүрх судасны үйл ажиллагааг сайжруулж, өвчлөлөөс сэргийлнэ
Алимны хальсанд агуулагдах фенолик гэх нийлмэл бодис нь холестерин ихэсч, артерийн судас хананд хатуурал үүсэхээс сэргийлдэг ажээ.
Таргалалтаас болж санаа тань зовж байна уу?
Зүрх судасны өвчин, цус харвалт, даралт ихсэх, нойрны дутагдал болон хоёрдугаар төрлийн чихрийн шижин зэрэг нь илүүдэл жингээс шалтгаалан үүсдэг.
Тэгвэл ислэг ихтэй хүнсний бүтээгдэхүүн буюу алим болон бусад жимс жимсгэнэ их хэмжээний калори шатаахад тань туслах болно.
Цөс чулуужихаас сэргийлнэ
Цөсний чулуу нь цөсөнд хэт их холестерин хуримтлагдсанаас болж үүсдэг.
Энэ нь мэдээж илүүдэл жин, таргалалттай холбоотой бөгөөд эмч нар цөсний чулуу үүсэх, хэт таргалалтаас сэргийлэхийн тулд тогтмол алим идэж байхыг зөвлөж байна.
Өтгөн хаталт, суулгалтаас болж шаналах шаардлагагүй…
Огт угаалгын өрөө орохгүй эсвэл зогсоо зайгүй угаалгын өрөө рүү гүйдэг бол алим танд тусална. Ислэг ихтэй хүнсний бүтээгдэхүүн нь бүдүүн гэдсэнд шингэн хуримтлуулж, цэвэрлэх шидтэй ажээ.
Чихрийн шижин өвчнөөс үүсч болох эрсдлийг бууруулна
Өдөрт багадаа нэг алим иддэг хүн хоёрдугаар төрлийн чихрийн шижингээр өвчлөх, өвчлөл хүндрэх магадлал огт иддэггүй хүнтэй харьцуулахад 28 хувь бага байдаг байна. Учир нь алим цусан дахь чихрийн агууламжийг бууруулж, хэвийн түвшинд барьдаг ажээ
