Хүний биед хэд хэдэн төрлийн өөхлөлт явагддаг гэнэ. Үүнээс хамгийн их тохиолддог хоёр төрлийн өөхлөлт байдаг.
Арьсан доорх өөх (subcutaneous fat)
Хэвлий доторхи өөх (visceral fat )
Арьсан доорх өөх хэвийн хэмжээнд байх нь хүний биед ашигтай байдаг. Харин хэвийн хэмжээнээсээ хэтрэхээрээ хэвлий дотор өөхлөлтийг ихэсгэж хэвийн бус болдог байх нь.
Хэвлий доторх өөх хэт их болсоноос хүмүүс бидний эрүүл мэнд доголдож зүрх судасны өвчин, стресс, гормоны (дааврын) тэнцвэргүй байдал үүсгэх гээд л өвчин болгоны суурь болдог.
Ихэнх хүмүүс мярайлаг хүмүүст дуртай нас яваад турах дэмий хэмээн ярьдаг. Би ч гэсэн хэт их турах дургүй. Гэхдээ л хэвлийн хөндийн өөхлөлтөөс ямар ч насандаа хамгаалж явах хэрэгтэй гэж мэднэ, тэгж ч хичээдэг.
Насаараа л хөдөлж, алхаж, гүйж байгаагийн минь гол учир үүнд оршдог. Хүмүүс бид ядаж өөрсдийнхөө биед юу хэрэгтэй юу хэрэггүйг мэддэг, хэрэгтэй зүйлээ өөртөө бий болгох талаар уншдаг, судалдаг, санаачилгатай байдаг байхсан.
Дотор өөхлөлтийг багасгахын тулд та дараахь зүйлсийг хийхэд л хангалттай.
Дасгал хөдөлгөөн
Эрүүл хооллолт
Шөнийн нойроо сайн авах
Эрүүл биед саруул ухаан оршино.
Б.Загдаа
Бидний эрүүл мэндийн олон асуудлууд гэдэс орчим хуримтлагдсан висцерал өөхнөөс шалтгаалдаг. Висцерал буюу дотор өөх дотоод эрхтнийг хамгаалах, доргилтыг сааруулах мөн өлссөн тохиолдолд бие махбодийг тэжээх үүрэгтэй.
Дотор өөхний хэмжээ хэвийн хэмжээнд байгаа тохиолдолд биед тустай. Харин хэвийн хэмжээнээс давсан үед эрхтнүүдийг шахаж, үүний улмаас зүрхний шигдээс, судасны бүдүүрэл үүсэх, гормоны өөрчлөлт орох, бодисын солилцоо гажуудах, хавдар үүсэх эрсдэлтэй байдаг.
Дотор өөхний хэмжээг хэрхэн тодорхойлох вэ?
Висцерал өөх хэвлийн хөндий хэсэгт төвлөрч элэг, зүрх, судсыг тойрон тархсан байдаг. Дотор өөхлөлт байгаа эсэхийг тодорхойлохын тулд юуны түрүүнд бүсэлхийн тойргийг хэмжиж үзэх хэрэгтэй. Эмэгтэйчүүдийн хувьд бүсэлхийн тойргийн хэмжээ <88 см, эрэгтэйчүүдийн хувьд <94 см байвал хэвийн гэж үзнэ.
Дараагаар нь коэффициентыг тооцоолно. Үүний тулд гуя, бүсэлхийн тойргийг хэмжиж, бүсэлхийн тойргийн хэмжээг гуяны тойрогт хуваана. Гарсан хариу нь эмэгтэйчүүдийн хувьд 0.88 ба түүнээс бага, эрэгтэйчүүд 0.95 ба түүнээс бага бол хэвийн гэж үзнэ
Дотор өөх болон арьсан доорх өөхийн ялгаа
Бидний арьсан доор өөхөн давхарга байдаг. Түүний үүрэг бол:
Бие махбодийг энергиэр хангах
Даарсан үед дулаацуулах
Энерги дамжуулах
Харин арьсан доорх өөхөн давхаргын өөхний хэмжээ хэт их болсон үед хүний бие илүүдэл өөхийг дотор эрхтнийг тойруулан хадгалж эхэлдэг.
Үүнийг л висцерал буюу дотор өөх гэж нэрлээд байгаа юм. Дотор өөх нь:
Элэг
Цөс
Бөөр
Гэдэс
Бэлэг эрхтнийг тойрон хуримтлагдсан байдаг.
Дотор өөхлөлтийн улмаас цусан хангамж муудаж, лимфийн урсгал алдагддаг ажээ.
Image result for висцеральный жир
Дотор өөхнөөс хэрхэн салах вэ?
Хэрэв та дээрх аргаар дотор өөхлөлттэй байна гэдгээ тодорхойлсон бол эрүүл мэндийн асуудал үүсэж эхлэхээс өмнө цаг алдалгүйгээр дотор өөхнөөсөө салах хэрэгтэй. Үүний тулд доорх аргууд танд туслах болно:
Аль болох их ус уу. Энэ нь биеэс хор гадагшилж, өөх хайлахад тустай.
Дотор өөхийг биеийн тамир, дасгал хөдөлгөөний тусламжтайгаар шатааж болно. Хэвлийн дасгал хий, гүйлтээр хичээллэ, цагираг эргүүл. Мөн усан спортоор хичээллэж, дугуй унах нэлээд үр дүнтэй байдаг. Зүрхний цохилт минутанд 120 хүрч байж өөх шатаж эхэлдэг гэдгийг санаарай.
Амьтны гаралтай өөх, тосыг аль болох бага хэрэглэ. Транс-тосыг огт хэрэглэж болохгүй. Гурилан бүтээгдэхүүн, боов боорцог, торт, печень, цөцгийн тосны хэрэглээгээ багасга.
Өлсөх мэдрэмжийг тоолгүй өнгөрч болохгүй. Учир нь өлссөний улмаас бие дотор өөхийг хуримтлуулж эхэлдэг байна. Тухайлбал: хоолны дэглэм барьж байгаа үед хүн өлссөнөөр бие организм стресст орж, өөхийг шатаах биш эсрэгээрээ хуримтлуулж байдаг.
Согтууруулах ундааны хэрэглээгээ багасга. Хүн согтууруулах ундаа уусан үед элэг спиртийг гадагшлуулах гэж ажиллан, өөхийг шатаахаа зогсоодог. Үүнээс гадна энэ төрлийн ундаа хоолны дуршил хөдөлгөж, өлсөх мэдрэмж төрүүлдэг.
Массаж хий. Маш үр дүнтэй бөгөөд энгийн арга. Дээшээ харж хэвтээд, атгасан гараараа гэдсээ нар зөв тойруулан илж массажилна.
Гоо сайхны салонд үзүүлдэг релакс-үйлчилгээнүүд мөн дотор өөхийг шатаахад тустай.
Эрүүл амьдралын хэв маягийг хэвшүүлээрэй. Идэвхтэй, хөдөлгөөнтэй амьдарч, зөв хооллох хэрэгтэй.