Өдөржин завгүй ажилладаг та шөнөжин нойргүй хоносоор л байна уу? Шөнө унтахгүй хонь тоолсоор байгаад, эсвэл унтсан ч өглөө нь огт амраагүй мэт ядарсан сэрж байна уу?
Та чулуугаар хийсэн хүн биш тул олон шөнө бүрэн амарч чадахгүй, нойргүй хоноод байвал нэг л өдөр шургаад унана шүү! Гэхдээ нойргүй хонож, бүрэн амарч чадахгүй байгаа нь өөр хэний ч биш таны л буруу байдаг. Ингээд бидний гаргадаг 5 алдааг хуваалцъя.
Алдаа 1: Тогтмол цагт унтдаггүй
Бидний хамгийн түгээмэл гаргадаг алдаа энэ шүү дээ. Ажлын өдрүүдээр өглөө эрт босох бүртээ амралтын өдрөөр сайхан унтана даа гэж боддоггүй гэж үү! Тэгээд баасан, бямба гарагт шөнийн арван хоёр, нэг болтол унтахгүй дээ. Учир нь маргааш өглөө нь нөхөж унтана гэж боддог. Энэ бол хамгийн буруу. Унтах, сэрэх гээд бидний биеийн бүхий л үйл ажиллагаа дааврын оролцоотой явагддаг. Тогтмол цагт унтаж, сэрж байвал бидний тархи ч бас тогтмол цагт л даавраа ялгаруулна. Ингээд л сайхан амрах, эрч хүчтэй байх боломжтой болж байгаа юм.
Алдаа 2: Унтахдаа бэлддэггүй
80 км/цагийн хурдтай явж байгаа машиныг шууд зогсоохоор тормоз хүчтэй гишгэвэл юу болох бол!!!! Бидний бие махбод хангалттай хэмжээний нейротрансметр хэмээх бодисуудыг нийлэгжүүлж, тархинд унтах цаг боллоо гэсэн дохио үүсч, унтахад туслах даавруудыг ялгаруулснаар унтаж амрахад бэлэн болдог. Бид зурагт үзэж, компьютер, утас оролдсоор байгаад шууд л “за унтая” гэдэг. Энэ бол 80 км/цагийн хурдтай давхиж байгаа машиныг зогсоох гэж хүчтэй тормоз гишгэж байгаатай яг адилхан зүйл юм. Унтаж амрахдаа тайван бэлд. Унтхаасаа нэг цагийн өмнө цахилгаан хэрэгслүүдээ унтрааж, гэрлээ бүдгэрүүлж тархиндаа хурдаа хасах боломж олго.
Алдаа 3: Бие махбодыг зүй тогтлоор нь ажиллах боломж олгодоггүй
Хэзээ унтах, хэзээ сэрэх нь харанхуй, гэрэл хоёроос л шалтгаалах ёстой. Шөнө болоход бид унтаж, өглөө болоход л сэрдэг. Гэтэл хүн төрөлхтөн байгалийн гэрэлд биш, өөрсдийн зохиосон зохиомол гэрэдтүүлэгийн ертөнцөд амьдарч байна. Бид шөнөжингөө гэрэлтэй байж ч чадна. Гүн нойрсоход тусалдаг даавар бол мелатонин юм. Мелатонин зөвхөн харанхуй үед л ялгардаг. Өчүүхэн төдий гэрэл ч түүний ялгаралтад саад учруулдаг. Зурагт унтарсан үед асдаг цэгэн улаан гэрэл байдаг даа. Тэр гэрэл хүртэл… БҮГДИЙГ НЬ УНТРАА!
Алдаа 4: Орой унтхаасаа өмнө гурилан бүтээгдэхүүн болон чихэрлэг зүйл иддэг
Гурилан бүтээгдэхүүн болон чихэрлэг зүйл нь цусан дахь сахарын хэмжээг нэмэгдүүлдэг. Ингэснээр бодисын солилцоо болон дааврын зохицуулгад оролцдог эрхтнүүд хэт ачаалалтай ажиллаж эхэлдэг. Ингээд л НОЙР БАЯРТАЙ болж байгаа юм даа.
Алдаа 5: Оройжин зурагт үздэг
Зурагт үзэнгээ зочны өрөөндөө унтдаг уу? Эсвэл унтлагын өрөөндөө зурагттай юу? Хэрэв та дээрх 2 асуултын нэгэнд л тийм гэж хариулж байвал нойргүйдлийн асуудалтай, өглөө сэрэхдээ амраагүй мэт ядарсан байдаг нь ойлгомжтой. Унтах гэж байгаа өрөөндөө нэг бол зурагтаа авч ор, эсвэл НОЙРыг авч ор. Энэ 2 хэзээ ч цуг байх боломжгүй. Яг л Капулетти ба Монтеккийн 2 гэр бүл л гэсэн үг. Ромео, Жулета дээр гардаг даа.
Хэрэв та нойргүйдэлтэй бол бамбайн ханд (валериана ургамалын ханд) хэрэглээрэй. Энэтхэгийн Himalaya үйлдвэрийн 100% ургамлын найрлагатай, ямар нэгэн гаж нөлөөгүй, дасал үүсгэхгүй Тагараг хэрэглээд үзэхийг зөвлөе. ТАГАРА гэдэг нь энэтхэгээр бамбайн ханд гэсэн утгатай үг . Капсул бүрт 250 мг бамбайн ханд агуулдаг.
Нойргүйдэл гэж юу вэ?
Нойргүйдэл гэдэг нь унтах ёстой цагтаа унтаж чадахгүй байх, нойрсох хугацаа багасах унтсан ч амарч чадахгүй байх процессыг хэлдэг байна. Нойргүйдэл үүсэх маш олон шалтгаан бий. Тухайлбал ажлын хэт их ачаалал, стресс, сэтгэл гутрал зэргээс үүсэж болдог. Нэг сараас илүү хугацаанд үргэлжилсэн нойргүйдлийг архаг нойргүйдэл гэдэг ба анагаахад урт хугацаа шаарддаг. Нойргүйдлээс үүдэн ажлын бүтээмж багасаж, уур уцаартай болох, эргэн тойрондоо ч сөрөг уур амьсгал бий болгодог. Тиймээс нойргүйдлийг эрт үед нь анагаах хэрэгтэй.
Нойргүйдлийг эмчлэх хялбар аргууд
Таныг сэргэг байлгах зүйлсээс зайгаа барь!
Кофеин: Бид кофе болон кофеин агуулсан бүтээгдэхүүнүүд нойргүйдлийн эх үүсвэр гэдгийг мэддэг ч хэрэглэхгүй байж чаддаггүй. Шөнө сайхан амрахыг хүсэж л байвал унтахаасаа хоёр цагийн өмнө кофений төрлийн зүйл бүү уугаарай. Оронд нь ногоон цай, зөгийн балтай ус ууж хэвшвэл шөнө нойр сайн авахад туслах болно.
Никотин: Тамхи ердөө уушгинд нөлөөлдөг гэж бодож, өөрийнгөө тайвшруулах хэрэггүй. Тамхи таны амрах, нойр авахад сөргөөр нөлөөлдөг байна. Тиймээс унтахаасаа өмнө аль болох тамхи татахгүй байхыг хичээгээрэй.
Гар утас компьютер зэргээ өөрөө хол байлга: Нойр хүрэхгүй үедээ зурагт үзэж, гар утсаа оролдох нь таны тархийг улам ажиллуулж, унтах хүслийг багасгана. Тиймээс унтлагын өрөөндөө зурагт тавихгүй байх, интернэт эх үүсвэрээ орондоо орохоосоо өмнө салгаж хэвших хэрэгтэй.
Нойр хүргэх хялбар аргууд
Нойр сэргэхээс зайлсхийж, таны биеийн унтахад бэлэн болгодог хэд хэдэн заль бий.
Дасгал хийх: Мэдээж физиологийн бие махбодь ядарсан үед нойр хүрэх боломж ихэснэ.
Ном унших: Ном унших нь нойр хүрэхгүй байх үед гар утас, телевиз үзэхийн яг эсрэг арга юм. Таны тархи нэг юманд анхаарал төвлөрүүлэх үед тайвшрал мэдэрдэг бөгөөд нойр хүрэх мэдрэмж ч тайван байхад л төрөх юм.
Бясалга: Орондоо орсон хойноо биеэ суллан өдөр магадгүй амьдралд тохиолдсон хэцүү үйл явдлуудыг бүгдийг мартаад юу ч бодохгүй байхыг хичээж хэдэн минут бясалгаарай. Энэ нь таны бие мах бодыг болоод оюун ухааныг тайвшруулж, нойр хүрч сайхан амрах болно. Шөнө сэрээд, эргэж унтаж чадахгүй байвал
Эргээд унтаж чадахгүй байвал орондоо хэвтээд байлгүй бос, ном унш, дасгал хий. Нэгэнт нойр сэргэсэн бол дороо хэвтээд нэмэргүй. Нойр зөвхөн ядарсан эсхүл тайвширсан үед л хүрнэ шүү дээ.
Шөнө сэрсэн үед амьдралд тохиолдсон элдэв зүйл, хийж байсан алдаа зэрэг бодогдоод унталгүй үүр цайх үе гарсан уу. Тийм үед босоод санаа зовнисон зүйлс, хийх ёстой ажлын жагсаалтаа гаргаж, хэрхэн шийдвэрлэх, хийж гүйцэтгэхээ бичиж тэмдэглээрэй. Санаа зовох зүйл бага бол нойр хүрэх магадлал их.
Цагаа харахгүй бай. Шөнө сэрсэн хойноо эргээд унтаж чадахгүй байх үедээ дахин, дахин цагаа харж, одоо хэдхэн цаг л унтаж болох нь гэх мэт зүйлс бодож санаагаа зовоох нь нойрыг тань улам л үргээдэг аж. Цагаа, гар утсаа орноосоо аль болох хол байлгаарай.
Эх сурвалж: Medium.com