My Blog

Хэвлийн өөхийг арилгах үнэхээр хэцүү байдаг шүү дээ. Та элдэв нэмэлт бүтээгдэхүүн, мэргэжлийн багш дасгалжуулагчгүйгээр зөвхөн эдгээр иогийн дасгалуудыг хийгээд илүүдэл жингээ хасах бүрэн боломжтой.

Хамгийн гол нь гуалиг сайхан биетэй болохоос гадна биеийн бүх хэсэгт жигд үйлчилж сэтгэл санаа болон эрүүл мэнд онц гойд болох юм шүү.

1 Кумбхакасана

Энэхүү дасгал нь хэвлий, мөр нуруу болон ташаа зэрэгт үйлчилдэг дагсал юм.

Үүнийг хэрхэн хийх вэ?

Хөлний хуруунууд дээр тулж, гарын алгаа тэгш газарт тулж бие шулуун байх хэрэгтэй.

Урагшаа харж байхдаа амьсгалаа аваарай. Нуруугаа шулуун байлгахаа мартуузай.

15-30 секундын турш энэ байрлалд байгаарай.

Энэ байрлалыг 5 удаа хийнэ, дундаа нь 15 секундын завсарлага аваарай.

2 Салхи сулруулах дасгал (Паванамуктасан)

Нурууны өвдөлтийг намдааж, ташааг бэхжүүлж гуалиг болгох байрлал. Энэ нь рН-н түвшинг хэвийн хэмжээнд оруулж бодисын солилцоог нэмэгдүүлэхэд хүргэнэ.

Хэрхэн хийх вэ?

Зураг дээрх шиг байрлал аваад гүнзгий амьсгаа авна. 60-90 секунд энэ байрлалд байх хэрэгтэй.

Тухайн байрлалыг дунд нь 15 секунд амарч 5 удаа хийгээрэй.

3 Наукасана

Хэвлийн илүүдэл илчлэгийг шатааж гуалиг болгох дасгал.

Хэрхэн хийх вэ?

Зурган дээрх байрлалыг аваад 15 секундын турш барина. Гол нь хэвийн амьсгалж байх хэрэгтэй.

15 секунд биеэ суллаж амраана.

Тухайн байрлалыг 5 удаа давтаж хийгээрэй.

Бидний эрүүл мэндийн олон асуудлууд гэдэс орчим хуримтлагдсан висцерал өөхнөөс шалтгаалдаг. Висцерал буюу дотор өөх дотоод эрхтнийг хамгаалах, доргилтыг сааруулах мөн өлссөн тохиолдолд бие махбодийг тэжээх үүрэгтэй. Дотор өөхний хэмжээ хэвийн хэмжээнд байгаа тохиолдолд биед тустай. Харин хэвийн хэмжээнээс давсан үед эрхтнүүдийг шахаж, үүний улмаас зүрхний шигдээс, судасны бүдүүрэл үүсэх, гормоны өөрчлөлт орох, бодисын солилцоо гажуудах, хавдар үүсэх эрсдэлтэй байдаг.

Дотор өөхний хэмжээг хэрхэн тодорхойлох вэ?

Висцерал өөх хэвлийн хөндий хэсэгт төвлөрч элэг, зүрх, судсыг тойрон тархсан байдаг. Дотор өөхлөлт байгаа эсэхийг тодорхойлохын тулд юуны түрүүнд бүсэлхийн тойргийг хэмжиж үзэх хэрэгтэй. Эмэгтэйчүүдийн хувьд бүсэлхийн тойргийн хэмжээ <88 см, эрэгтэйчүүдийн хувьд <94 см байвал хэвийн гэж үзнэ.

Дараагаар нь коэффициентыг тооцоолно. Үүний тулд гуя, бүсэлхийн тойргийг хэмжиж, бүсэлхийн тойргийн хэмжээг гуяны тойрогт хуваана. Гарсан хариу нь эмэгтэйчүүдийн хувьд 0.88 ба түүнээс бага, эрэгтэйчүүд 0.95 ба түүнээс бага бол хэвийн гэж үзнэ

Дотор өөх болон арьсан доорх өөхийн ялгаа
Бидний арьсан доор өөхөн давхарга байдаг. Түүний үүрэг бол:

Бие махбодийг энергиэр хангах

Даарсан үед дулаацуулах

Энерги дамжуулах

Харин арьсан доорх өөхөн давхаргын өөхний хэмжээ хэт их болсон үед хүний бие илүүдэл өөхийг дотор эрхтнийг тойруулан хадгалж эхэлдэг.

Үүнийг л висцерал буюу дотор өөх гэж нэрлээд байгаа юм. Дотор өөх нь:

Элэг

Цөс

Бөөр

Гэдэс

Бэлэг эрхтнийг тойрон хуримтлагдсан байдаг.
Дотор өөхлөлтийн улмаас цусан хангамж муудаж, лимфийн урсгал алдагддаг ажээ.

Дотор өөхнөөс хэрхэн салах вэ?
Хэрэв та дээрх аргаар дотор өөхлөлттэй байна гэдгээ тодорхойлсон бол эрүүл мэндийн асуудал үүсэж эхлэхээс өмнө цаг алдалгүйгээр дотор өөхнөөсөө салах хэрэгтэй. Үүний тулд доорх аргууд танд туслах болно:

Аль болох их ус уу. Энэ нь биеэс хор гадагшилж, өөх хайлахад тустай.

Дотор өөхийг биеийн тамир, дасгал хөдөлгөөний тусламжтайгаар шатааж болно. Хэвлийн дасгал хий, гүйлтээр хичээллэ, цагираг эргүүл. Мөн усан спортоор хичээллэж, дугуй унах нэлээд үр дүнтэй байдаг. Зүрхний цохилт минутанд 120 хүрч байж өөх шатаж эхэлдэг гэдгийг санаарай.

Амьтны гаралтай өөх, тосыг аль болох бага хэрэглэ. Транс-тосыг огт хэрэглэж болохгүй. Гурилан бүтээгдэхүүн, боов боорцог, торт, печень, цөцгийн тосны хэрэглээгээ багасга.

Өлсөх мэдрэмжийг тоолгүй өнгөрч болохгүй. Учир нь өлссөний улмаас бие дотор өөхийг хуримтлуулж эхэлдэг байна. Тухайлбал: хоолны дэглэм барьж байгаа үед хүн өлссөнөөр бие организм стресст орж, өөхийг шатаах биш эсрэгээрээ хуримтлуулж байдаг.

Согтууруулах ундааны хэрэглээгээ багасга. Хүн согтууруулах ундаа уусан үед элэг спиртийг гадагшлуулах гэж ажиллан, өөхийг шатаахаа зогсоодог. Үүнээс гадна энэ төрлийн ундаа хоолны дуршил хөдөлгөж, өлсөх мэдрэмж төрүүлдэг.

Массаж хий. Маш үр дүнтэй бөгөөд энгийн арга. Дээшээ харж хэвтээд, атгасан гараараа гэдсээ нар зөв тойруулан илж массажилна.

Гоо сайхны салонд үзүүлдэг релакс-үйлчилгээнүүд мөн дотор өөхийг шатаахад тустай.

Эрүүл амьдралын хэв маягийг хэвшүүлээрэй. Идэвхтэй, хөдөлгөөнтэй амьдарч, зөв хооллох хэрэгтэй.

1. Бага илчлэг – Их шатаалт

Энэ дүрэм бол маш энгийн. Хэрэв өдрийн турш шатаах илчлэгээс их хэмжээгээр идвэл та жин нэмнэ. Хэрэв шатаах калориос бага илчлэг идвэл та өөх хасах бүсэд нэвтрэнэ.

Үүнийг хэрэгжүүл: Калори илчлэгээ сайтар анхаарах хэрэгтэй. Энгийн хөдөлгөөнтэй хүн дунджаар нийт биеийн жингийн 1кг – 40калори эсвэл үүнээс дээш шатааж байдаг. Үүнээс харахад хэрвээ таны жин 90кг бол 3600кал илчлэг хоол авах хэрэгтэй байдаг. Харин өөх шатаах үед, бэлтгэлийн хийх өдрөө илчлэгийг 2800-3200калори болгож бууруулах хэрэгтэй. Бэлтгэлгүй өдрөө 2400 болгон бууруулах хэрэгтэй гэсэн үг юм.

Илчлэг бууруулах хамгийн энгийн арга бол: Масло, тос, саладны соус амтлагч хэрэглэхгүй байх. Тахианы хальс авч хаях, сүү, улаан төрлийн махнаас татгалзах.

Үүний оронд эрүүл өөх тос хэрэглэнэ: Оливийн тос, Самарны нухсан масло, Самар зэрэг зөв өөх тос орно.

2. Нүүрс ус багасгах

Нүүрс ус дотроо хурдан шингэдэг удаан шингэдэг гэсэн 2 янз байдаг. Би та бүхэнд хурдан шингэдэг нүүрс ус хэрэглэхгүй байхыг зөвлөж байна. Үүнд дандаа цагаан гурилан хүнс багтсан байдаг. Цагаан талх, цагаан будаа, төмс, чихэрь шоколад. Энэ нь цадах мэдрэмжийг бага төрүүлдэгээс гадна бие дах инсулин гормон ихээр ялгаруулж өөх хуримтлуулдаг. Харин үүний оронд удаан шингэдэг нүүрс ус хэрэглэх нь зөв. Үүнд: овёос, хэвэг, бүхэл үрийн талх, чихэрлэг төмс зэрэг багтана. Эдгээр хүнснүүд нь цадах мэдрэмжийг удаан барихаас гадна бэлгэл хийх эрч хүч сайн өгдөг.

Зөв нүүрс ус хэрэглэсэнээр бэлтгэлийн явцад эрч хүч буурахгүй илүү их өөх шатахад нэмэр болдогийг анхаараарай. Гэхдээ өдөрт нийт биеийн жингийн 1кг – 4 калори илчлэг нүүрс ус ид. 60кг жинтэй хүн 240калори нүүрс ус хэтрүүлэхгүйгээх иднэ гэсэн үг юм.

Үүнийг хэрэжүүл: Хэрвээ та хоёр аяга гоймон идэх гэж байвал зогсоо. Үүнийгээ 1 аяга болго. Хоолныхоо тал хувийг үлдээж 3 цагийн дараа үлдсэнийг идэх шинэ тогтолцоог суулгаж заншиж хэрэгтэй. Бага порцоор 3 цагийн зайтай ид. Ингэж заншиж чадвал өдөр тутмын амьдралаа өөрчилж аяндаа биенд өөрчлөлт гарах болно.

3. Уураг илүү их хэрэглэх

Уураг: Тахианы цээж мах, Загасны мах, Уураг нунтаг, Өндөгний цагаан…

Уураглаг ногоо: Дүфү, Цэцэгт байцаа, Бууцай…

Уураг их хэмжээгээр агуулагдсан хоол хүнс өөх шатаахад маш их хэрэгтэй. Бэлтгэлийн явцад бид булчин ажилалуулдаг. Харин дараа нь булчинг цаг тухайд уурагаар хоололж дөвхар бодисийн солилцоог хурдасгаж өөхийн шатаах нь чухал юм. Тиймээс бэлтгэлийн дараа 1 цагийн дотор уураг идэж эсвэл уураг найруулж Shake уух хэрэгтэй. Биеэ ярзайлгах гэж байгаа тохиолдолд өөх тосыг 20-30 хувь багасга. Нийт биеийн жингийн 1кг – 2грамм уураг хэрэглэ. 70кг жинтэй хүн өдөрт 140 грамм уураг хэрэглэнэ гэсэн үг.

4. Анхаар. Нүүрс усыг дангаар нь идэж болохгүй.

Бие дахь инсулин гормоныг их ялгаруулахаас зайлсхийхийн тулд нүүрс усыг дангаар нь хэрэглэж болохгүй. Нүүрс ус хурдан шингэснээр инсулин их хэмжээгээр ялгарч улам өлсөх мэдрэмж төрүүлнэ. Нүүрс усыг биед удаанаар шингээхийн тулд уураг, маш их ногоо, буурцаг, ногоон салад холиж идэх хэрэгтэй. Ингэснээр хүн хурдан өлсөхгүй илүү нэмэж идэхгүй гэсэн үг юм. Удаанаар шингээх гэдгийг буруугаар ойлгож болохгүй. Зөв хоол хүнс биед задрахад 4 цаг ордог энэ үйл ажиллагааг сайн бариж байх хэрэгтэй. Ингэж чадвал хүн цусан дах чихэрийн хэмжээг бариж чадна. Зарим нүүрс усыг идээд ахиж идмээр санагддаг. Энийг хүмүүс хоол хурдан шингэж байна гэж ташаа боддог. Яг үнэндээ инсулин их хэмжээгээр ялгарч цусан дах сахарын хэмжээг ихэсгэж байдаг юм.

5. Унтахын өмнө нүүрс ус хэрэглэхийг хатуу хоригло.

Хүний бие унтаа байдалд бэлдэх үед бодисийн солилцоо өөрийн эрхгүй удааширч, инсулин гормон ялгаралт буурдаг. Ийм үед унтахын өмнө нүүрс ус идэж биеийг ахин ажиллагаанд оруулж шингэхийн оронд тэдгээрийг дараагийн энерги зарцуулалтанд ашиглана гэж тооцоолоод өөх болгоод хадгалчихдаг юм.

Унтахаас 4 цагийн өмнө уураглаг хоол хүнс хэргэлэ. Унтахаас 3 цагийн өмнө бүх идэж уух хүнсээ зогсоосон байх шаардлагатай. Харин оронд нь булчин тэжээх уураг уугаад унтаж болно.

6. Өдөрт олон давтамжтайгаар бага багаар идэх

Бодисийн солилцоо хурдан ажиллах удаан ажииллах нь хэр хэмжээний хоол идэж байгаагаас ихээхэн хамаарна. Та бодисийн солилцоог бүтэн өдрийн турш маш сайн ажилагаанд оруулах хэрэгтэй. Ингэхийн тулд хүн хоол идсэнээр бодисийн солилцоог идэвхжүүлдэг.

3 цагийн зайтай бага багаар идэж байх хэрэгтэй гэдгийг сайн анхаараарай. Ингэснээр бодисийн солилцоо хурдан ажиллаж цаг тухай үед калори шатаах болно. Өөрийгөө өлсгөлөн байлгахыг хатуу хориглоно. 3 дээш цаг юм идэхгүй явбал өнөөх бодисийн солилцоо зогсонги байдалд орж өөх шатах боломжгүй болдог. Харин улам өлссөнөөр өөх тос ихтэй хоол руу тэмүүлж инсулин гормон ялгаралтын нэмэгдүүлж өөх хуримтлагдах нөхцөлийг бүрдүүлнэ.

Тавагны хэмжээг 4 хуваа. 2/1 хувийг ногоо, 4/1 уураг болон удаан шингэдэг нүүрс ус багтах хэрэгтэй. Хэрэв таны өмнө таваг дүүрэн хоол гараад ирвэл зөвхөн тал хувийг нь идээд үлдсэнийг нь 3 цагийн дараа идэж занш.

Уураг махны хэмжээ гарын алганы хэмжээтэй, бор гурвалжин будаа нэг атга хэмжээтэй байснаар зөв порцтой хоол идэж байгаагаа мэдэж болох юм.

7. Бэлтгэлийн дараах хоолыг хамгийн чухалд тооцох хэрэгтэй.

Энэ маш чухал хэсэг. Ихэнхи хүмүүс бэлтгэлийн дараа хоол идэлгүй орхидог. Учир нь ингэснээр турна гэж ташаа ойлгодог. МАШ БУРУУ. Анхаараарай МАШ БУРУУ.

Бэлтгэлийн дараа булчин ихээр ажиллаж, аль хэдийн уураг нүүрс усаа ашиглаж дууссан байдаг. Дасгалын дараа 30-1 цагийн дотор уураг уух эсвэл, уураглаг хоол идэх хэрэгтэй. Ингэснээх бодисийн солилцоог 2дахин хурдан ажиллуулж бие чин өөхийг өөрийн эрхгүй шатааж эхэлдэг.

Шар сүүний уураг ууж болно, тахианы цээж мах, өндөгний цагаан идэж болно… Сонголтууд маш өргөн байгаа гэдгийг битгий мартаарай.

8. Бэлтгэлийн өмнө чихэр ихтэй хүнс хэрэглэхийг хориглоно.

Фитнесс рүү зүглэж байх үед бие өөх шатаах байдалд бэлддэг. Хуримтлагдсан өөх шатаах гэж байгаа учраас дасгалын өмнө чихэр ихтэй хүнс хэрэглэж инсулин гормоныг ихээр ялгаруулахаас зайлхийх шаардлагатай.

Харин үүний оронд удаан шингэдэг эрч хүч өгдөг 30-40 грамм овёос, бүхэл үрийн хүнс, жимс, чихэрлэг төмс идэж болно. Бэлтгэлийн өмнө 15-20 минутын өмнө уураг найруулж ууж байхыг зөвлөж байна.

9. Глукоген ий хэмжээг 2 өдөр багасгах.

Идэж уусан чихэр , нүүрс ус биенд ороод глюкоз бодист шилждэг. Энэ нь цусан дах эсийг хооллож өгдөг. Харин илүүдэл гарсан глюкозыг булчин, элэг рүү шилжүүлж дараагийн энерги зарцуулалтанд ашиглахаар нөөцөлдөг. Үүнийг глюкоген гэдэг. Булчин дах глюкоген өөрөөр хэлбэл илүүдэл хуримтлалыг гадагшуулах үйл явцыг хурдасгахын тулд яг одоо нэгэн арга заах гэж байна.

14 хоног болгоны дараалалсан 2 өдөр ямар ч нүүрс ус, чихэр шоколад хэрэглэгүй. Анхаараарай дараалалсан хоёр өдөр үүнийг бариж чадвал элэг, булчинд хуримтлагдсан глюкоген буцаад энерги болон царцуулагдаж эхлэх юм. Үүнийг 2оос илүү хоног бариж болохгүй. 14 хоног болгоны дараалсан 2 өдөр бариад байвал хангалттай юм. Бусад өдөр нь удаан шингэдэг зөв нүүрс усыг бэлтгэлтэй өдрөө зохих хэмжээгээр хэрэглэж болох юм. Харин бэлтгэлгүй өдөр нүүрс усыг 100 граммаас илүү гаргаж болохгүй.

10. Кардио Хүчний дасгалыг хослуулж хийх.

Дан ганц гүйснээр өөхийг шатааж чадахгүй. Биеийн жинг ашиглах хүчний дасгалуудыг мөн хавсаргаж программ болгон хичээллэх хэрэгтэй. Дасгалуудын талаар дараа нь зөвөлгөө дамжуулах болноо.

Өнөө цаг үед олон хүмүүс зүрх судасны өвчнөөр эндэх болсон талаар эмнэлгийн байгууллагуудын судалгаа бидэнд хэлж байгаа билээ.

Тийм ч учраас бид энэ удаад энгийн хялбар жороор хэрхэн эрүүл мэндийн эдгээр асуудлыг шийдвэрлэх боломжтой талаар та бүхэндээ мэргэжлийн хүмүүсийн өгч буй зөвлөгөөг хүргэж байна.

Бэлдмэлийг бэлтгэх орц :

Нимбэгний шүүс

 Зөгийн бал

ХЭРХЭН БЭЛТГЭЖ ХЭРЭГЛЭХ ВЭ ?

Дунд зэргийн 2 ширхэг нимбэгийг бутлуураар буталж нухаш болгоно.

Үүн дээрээ 2 хоолны халбага зөгийн бал нэмж холино.

Бэлэн болсон хольцыг шилэн саванд хийгээд тасалгааны температурт 24 цаг байлгана.

Ингээд өдөр бүр хоолны өмнө 2-3 халбага уугаарай. Цайтай хамт ууж болно.

Дээрх бэлдмэл нь судасыг цэвэрлэж атеросклероз эсвэл даратл ихсэх өвчтэй хүмүүст зайлшгүй шаардлагатай байдаг аж. Мөн архаг ядаргаа, толгой өвдөх зэрэгт онц сайн нөлөөтэй.

Судасны хана бөглөрч байгааг илтгэх 9 аюултай шинж тэмдэг. Үүнд яаралтай арга хэмжээ авахгүй бол эцэстээ цус харвалт эсвэл зүрхний шигдээс болоход хүргэнэ.

Судасны хана бөглөрөх нь цусны эргэлтийг удаашруулдаг. Хэрвээ үүнийг таслан зогсоохгүй бол эцсийн үр дүн нь цус харвалт эсвэл зүрхний шигдээст хүргэнэ. Холестерины өндөр хэмжээ эсвэл ханасан тосны агууламж ихтэй хоол хүнс ихээр хэрэглэх нь эрүүл мэндэд муугаар нөлөөлнө. Мөн амьдралын идэвхгүй хэв маяг, эрүүл бус хооллолт ч судас бөглөрөхөд хүргэдэг. Эдгээрээс гадна удамшил ихээр нөлөөлдөг болохыг анхаарна уу.

Таны судас бөглөрч байгааг ямар шинж тэмдгээр мэдэх вэ? Танд эмнэлгийн тусламж хэрэгтэй эсэхийг яаж мэдэх вэ?

Хөлөөр өвдөх. Хэрвээ таны хөл байнга өвдөөд байвал эсвэл урьд өмнөхөөс илүү амархан ядарч чилээд байвал артерийн судас бөглөрч байгаагийн шинж тэмдэг байж болно.

Амьсгаадах. Алхахад амьсгаадах эсвэл багахан ч гэсэн биеийн хүчний ажил хийхэд амьсгаа давчдаад байвал цусан хангамжийн асуудал үүссэнийг илтгэнэ.

Толгой хүчтэй өвдөх. Хэрвээ толгой ямар нэгэн тодорхой шалтгаангүйгээр өвдөөд байвал артерийн судас бөглөрч байгаатай холбоотой байж болно.

Бэлгийн сулрал. Судас бөглөрснөөс болж эрчүүдэд бэлгийн сулралын асуудал үүсэж болзошгүй. Яагаад гэвэл артерийн судас бөглөрснөөс болж бэлэг эрхтний цусан хангамж муудна.

Хүйтэн хөл. Хэрвээ үе мөчний артерийн судас бөглөрсөн бол гар, хөл хүйтэн мөс шиг болдог.

Бэлхүүсээр өвдөх. Нуруу, бэлхүүсээр өвдөх нь судас бөглөрч байгаатай холбоотой байж болно.

Тэнцвэрээ олж чадахгүй байх. Судас бөглөрсөн үед толгой эргэдэг, мөн тэнцвэрээ алдах зэрэг таагүй шинж тэмдэг илэрдэг.

Ар дагзаар дарж байгаа мэт мэдрэмж төрөх. Энэхүү шинж тэмдэг нь эрэгтэйчүүд болон эмэгтэйчүүдэд харилцан адилгүй илэрдэг. Everyday Health сэтгүүлд бичсэнээр, эмэгтэйчүүд “ар дагзаар дарж байгаа мэт” өвддөг гэжээ.

Ядрах. Энэхүү шинж тэмдэг нь ихэвчлэн эмэгтэйчүүдэд илэрдэг. Ямар ч шалтгаангүйгээр ядардаг байна.

АНУ-ын эрдэмтэд хүнд болон хөнгөн хэлбэрийн ковидын халдвар авч, эдгэрсэн хүмүүсийн 1.8 хувьд судсанд нь бүлэгнэл үүссэн болохыг илрүүлжээ. Хэрэв өвчтөнүүд өмнө нь судасны бөглөрөл өвчнөөр шаналж байсан бол ковидын дараа энэ өвчин сэдрэх эрсдэл гурав дахин нэмэгддэг гэж эрдэмтэд сэрэмжлүүлжээ.

Тиймээс судасны бөглөрөл үүсэхээс урьдчилан сэргийлэх арга хэмжээ зайлшгүй авах шаардлагатай гэж Хенри Фордын нэрэмжит Анагаах ухааны албаны судлаач Ли Пинь тэргүүтэй эрдэмтэд зөвлөж байна. Цусны бүлэгнэлтийн эм, бэлдмэлийн тусламжтай цус бөглөрөх эрсдэлийг долоо дахин бууруулах боломжтой гэж судлаачид онцолжээ.

Ли Пинь тэргүүтэй эрдэмтдийн явуулсан судалгаанд Детройтын эмнэлгүүдэд эмчлүүлж байсан ковидын халдвартай 2.8 мянган ковид өвчтөн оролцсон байна. Судлаачид тэднийг эдгэрснээс хойш гурван сарын турш биеийнх нь байдлыг ажиглаж, судасны бөглөрөл үүссэн тохиолдол бүрийг судалсан байна. Судалгааны явцад 50 оролцогчид буюу 1.8 хувьд ийм шинж тэмдэг илэрсэн байна. Бусад оролцогчдод мэдэгдэхүйц өөрчлөлт гараагүй тул цусны бүлэгнэлтийн эсрэг эм, бэлдмэл хэрэглэхдээ заавал эмчийн зөвлөгөө авах шаардлагатай гэж эрдэмтэд анхааруулжээ.

Варикоз буюу хураагуур судасны өргөсөлт нь (varix нь зангираа, дүүрэлт гэсэн латин үг юм) хураагуур судас буюу венийн судасны хана нимгэрч, хөндий нь тэлэгддэг өвчин юм. Өргөсөлт өвчин нь маш эртний түүхтэй бөгөөд бүр Эртний Египетийн муутуу цаасан дээр хүртэл тэмдэглэгдсэн байдаг.

Шалтгаан:

Прогестрон даавар ихсэх. Жирэмсэн үед бие махбодод дааврын өөрчлөлт явагддаг, прогестрон даавар нь судасны ханыг уян хатан болгож байдаг.

Хэвлийн хөндийн дотоод даралт ихсэх. Томорсон умай нь бага аарцгийн хураагуур судсыг дарснаар хөлнөөс цус чөлөөтэй урсан гарахад саад үүснэ.

Гэтэл энэ үед бага аарцаган дахь цусан хангамж эрс нэмэгдсэнээр венийн судаснуудын ачаалал ч нэмэгдсэн байдаг.

Нөлөөлөх хүчин зүйлс:

Удамшлын хүчин зүйлс

Нас /40-өөс дээш/

Хүйс /эмэгтэй/

Жирэмслэлт, жирэмслэлтийн тоо /3/

Илүүдэл жин

Ажлын нөхцөл

Дэлхийн татах хүч

Хөдөлгөөний дутагдах

Халуун газар, эсвэл наранд удаан хугацаагаар байх

Эмнэл зүй:

Оройд хөл хавагнах

Удаан хугацаагаар суух, эсвэл зогсох үед хөл хүндэрч, чинэрэх

Эрээн булчингаар хөндүүрлэх

Хөл халуу оргиж, шөнөдөө эрээн булчингийн шөрмөс татах

Хөх улаан өнгийн судасны жижиг зангилаа үүсэх

Арьсан доорх венийн судаснууд тодорч харагдах

Оношлогоо:

Зовиур

Анамнез

Бодит үзлэг

Багажийн шинжилгээ

Доплерографи

Дуплекс сканер

Радио идэвхит цөмийн болон рентген шинжилгээ

Эмчилгээ:

Эмийн

Склеро – Laser Ablation

Мэс заслын – Phlebotomy transilluminated

Урьдчилан сэргийлэх:

Дасгал хөдөлгөөн

Тусгай тирко

Эмчилгээний тирко нь биед үзүүлэх даралтаа хуваарилж байдгаараа ердийн сүлжмэлээс онцлог

Тухайлбал, судас өргөсөхийн эсрэг үйлчлэлтэй триконы даралт нь

o шагайны орчим 100% байгаад

o өвдөгний орчим 75% болж багасаад,

o гуяны орчим 50% болоод

o цавины орчим 20% болж буурдаг

Эмчилгээний трико нь үзүүлдэг даралтаасаа шалтгаалан 4 зэрэглэлтэй байдаг.

1-р зэргийнх нь хавагнах хандлагатай болон судас өргөсөх өвчний эхний шатанд судас өргөсөхөөс сэргийлэх зорилгоор өмсдөг бөгөөд шагайны орчим мөнгөн усны баганы 18,4-21,1 миллиметр даралт үзүүлдэг.

2-р зэрэглэлийнх нь судас өргөсөх өвчин, эрсдэл ихтэй үед гүнийн судсанд бөглөрөл үүсэхээс сэргийлэх зорилгоор өмсдөг бөгөөд шагайны орчим мөнгөн усны баганы 25,2-32,3 мм даралт үзүүлнэ.

3-р зэрэглэлийнх нь венийн судас бөглөрөлийн дараах үүсэх өвчин, яршилттай судас өргөсөх өвчин, тунгалаг судасны дутмагшил зэргийн үед өмсдөг бөгөөд шагайны орчим мөнгөн усны баганы 36,5-46,6 мм даралт үзүүлнэ.

4-р зэрэглэлийнх нь венийн системийн төрөлхийн гажиг зэрэг хүнд тохиолдолд өмсөх бөгөөд шагайны орчим мөнгөн усны баганы 59 мм-ээс дээш даралт үзүүлнэ.

Анхаарах зүйл:

Эмчилгээний зориулалттай тирког мөнгөн усны баганаар хэмждэг гэдгийг анхаарах хэрэгтэй

DEN-ээр заасан байгаа бол “хуурамч” бүтээгдэхүүн.

Сүлжмэл триког өглөөд орноосоо босолгүйгээр хөлөө өндийлгөн өмсдөг.

Судас хатуурах, эндартрит, Рейногийн хам шинж, чихрийн шижингийн гаралтай судасны гэмтэл, 2-3 зэргийн зүрхний титэм судасны дутмагшил, шалтгаан нь тодорхойгүй арьсны үрэвсэл зэрэг өвчний үед эмчилгээний триког өмсөхийг хориглодог байна.

Түүхий сүүгээр шахсан бяслагийн шар сүүнд халуунаар нь толгой дээгүүрээ юм хөдрөөд утна. Мөн халуу бүлээнээр нь оочлон ууна. Энэ мэтчилэн долоо хоног хэрэглэх хэрэгтэй гэдэг.

Дээр үед улаан бурхан өвчнөөр хүнд өвчлөн эдгээд туйлдсан хүнд тэнхээ тамир оруулж хор тайлах зорилгоор тийн хэрэглэж байжээ. Улаан бурхан, шар өвчин зэргээр өвчилсөн хүний биед маш их хор хуримтлагдсан байдаг тул их ядардаг аж.

Мөн бяслагийн шар сүүнд ороод салхи цохиулахгүй шиг унтаж амрах, эсвэл өглөө оройн хүч багатай наранд ээж шарна.

Бяслагийн шар сүүнд оруулаад байсан хүүхэд дархлаа сайтай чийрэг биетэй болдог учиртай.

Ер ямар ч хүн зундаа нэг хоёрын зэрэг шар сүүнд орох, 3, 7 хоног эмийн журмаар бага сагахан уухад биед тун сайн нөлөөтэй хэмээн хөгшчүүл минь ярьдаг сан.

Зун болохоор л муу ээж минь,

– Гүй ээ хүү минь ээ! Ээж нь бяслаг шахах гэж байна, энэ шар сүүгээр биеэ угаагаад наранд шараад аль гээд мөн ч их гуйдаг. Би мэтийн тэнэгүүд залуу насны ааг омгоор тэгс, ингэсгэж худлаа аргацааж байгаад л зугтаад явчихдаг байж. Эргээд бодох нээ их л харамсах юм даа. Намайг бүүр багад нэг удаа шар сүүнд оруулж байсан санагддаг юм. Тэр үед биетэй барьцалдаад хувцас хунарт наалдаад жаахан төвөгтэй санагдсан учир тэр биз дээ.

Аарцны шар сүүгээр биеэ угааж шарсан хүн ханиад томуу хүрдэггүй, өлчир болдог гээд бас л нэг яриа бий. Шар сүүнд мал их дуртай сан. Шар сүүний амт нэг л авчихсан мал амташчихаад бүүр сүүлдээ ааруул хурууд хулгайлж идээд болдоггүй сэн.

Шар сүү уугаад байсан малын хүч, тарга тэвээрэг авах нь арай л илүү байх шиг харагддаг.

Ер ямар ч шар сүү бол эм юм билээ. Харин шар сүүний нэрмэл архийг даамайхан уучихвал шартана гэж алах шахна даа.

Шар сүүний архи хор шар ихтэй л гэдэг. Манай нутгийн мал ахуй цөөвтөрхөнтэй мөхүү татуухан амьдралтай олон хүүхэдтэй нэгэн айл хүүгээ айл орон болгох гээд зунжин шар сүү нэрчихсэн юм даг. Их л хахарган хатуу бөгөөд нисүүн амттай, сайн тамшаалж амсвал үл мэдэг шар сүү амтагдаж байсан шиг санагдана.

Тэдний хүүхдүүд шар сүүг цайны ороор уудаг юм хэмээн үнэн худал нь мэдэгдэхгүй яриа байдгийн дээр хүүхдүүдээ шар сүүнд оруулсаар байгаад гүрийж гүрдийсэн сарлагийн борц шиг хар хүүхдүүд хувцас хунар ч өмсдөггүй, хөл нүцгэн голдуу гүйлдэж явдаг. Ер нь тэднийхний бие хаа өвдөж хавдлаа гэж огтхон ч дуулдахгүй юм. Эрүүл биед саруул ухаан оршдогийн ёсоор сайхан ч амьдарцгааж байгаа даа. Шар сүүний ач тус ч юм билүү. Шар сүүгээр ган хийнэ. Шар сүүнд дүрж уринд хатаасан борцны амт шимтийг хэлээд юүхэв.

Монголчуудын эртнээс хэрэглэж ирсэн шар сүүний ач холбогдлын талаар та бүхэндээ хураангуйлан хүргэж байна.

Бяслагыг нь авсан шар сүү нь сүүний хүчил, фермент буюу энзимээр баялаг төдийгүй сайн чанарын уураг агуулдаг. Мөн витамин В6, В12, В2, К, С, кальци, кали, магни, фосфор, болон бусад амин хүчил агуулдаг илчлэг багтай хүнс юм.

Энэхүү шар сүүг хүмүүс эрт дээр үеэс хоолны дуршил сайжруулах болон хоол шингээх зорилгоор хэрэглэсээр иржээ. Орчин үеийн шинжлэх ухааны судалгааны ажлуудаас харахад энэхүү ундаа нь даралт ихдэх, цус харвах, зүрхний шигдээс зэргээс урьдчилан сэргийлэхээс гадна холесрины хэмжээг тэнцэрвэржүүлэх, булчингийн жинг нэмэгдүүлэх, ба ясны сийрэгжилтээс сэргийлэх болон хүний биеийн дархлааг сайжруулж, стресс багасгаж, эрч хүч нэмдэг болохыг судалсан байна.

Уг нийтлэлд цааш бичихдээ гадуур худалдаанд байдаг сүүний уургийн бэлдмэл буюу whey powder нь үйлдвэрийн аргаар гаргаж авсан нэмэлт бодис орсон байдаг тул гэрээр хийж хэрэглэх нь илүү үр дүнтэйг зөвлөжээ. Мөн хэрхэн гэрийн нөхцөлд шар сүү хийх талаар жор оруулсан байна. Энэхүү жорыг Монголын уншигчид та нартаа хүргэе.

Мэдээж монгол хүн бүхэн шар сүүгээ гаргаж хэрэглэж мэддэг нь ойлгомжтой ч гадаад хүмүүс хэрхэн шар сүү гаргаж авдаг болох нь сонин байж болох юм.

Нэг литр цэвэр сүүг хөөрүүлээд халуун байхад нь дээрээс нь бүтэн лимоноос шахсан шүүсээ хийнэ. Сайн хутгаад хэсэг хугацаанд амраана. Ингэхэд сүүний өнгө хувирч шаргал ногоовтор туяатай шингэн болж бидний хэлдэгээр ээдэм нь ялгарна. Шүүлтүүрээр шингэнээ шүүж шилэн саванд хийгээд хөргөгчинд хадгалж хэрэглэнэ.

Өдөрт 500 граммаас нэг литр шар сүү уухдаа хэрэв та өөрөө хүсвэл сүүний хатаасан нунтаг хуурай уураг буюу whey powder нэг хоолны халбагыг нэмж ууж болно. Энэхүү ундааг тогтмол хэрэглэснээр та элэгээ цэвэрлэж элэг өөхлөлтөөс өөрийгээ хамгаалах болно гэж зөвлөжээ. Монголчууд бид цөс хөөх гэж шар сүүг өглөөд өлөн элгэн дээрээ 1 л хүртэлх бүлээнээр ууж туулгадаг.

Зарим хүмүүс улирал тутам элэг цөсөө ийнхүү цэвэрлэх бөгөөд тийм хүмүүсийн царайны өнгө хүртэл тунгалаг сайхан байдгийг бид мэддэг билээ.

АЧ ХОЛБОГДОЛ:

Шар сүүний уураг нь хүний өвчин эсэргүүцэх чадлыг сэргээж батжуулдаг. Иймээс эмгэг хуучтай болон бага насны хүүхдэд зөөлөн амттай ээдмийн шар сүүг уулгадаг.

Шар сүүг байнга уувал хавдрыг сэргийлэн, таван цулыг шимжүүлж, хоол боловсруулах эрхтний үйл ажиллагааг сайжруулж, биеийн дархлааг нэмэгдүүлнэ. Одоо цагт шар сүүг зөвхөн малчид хийж бэлтгэх бус үйлдвэрийн аргаар ч гаргаж авдаг болсон тул хүн бүр ууж болон ахуйдаа хэрэглэх боломжтой болсон.

Ялангуяа ээдмийн шар сүү нь хоол боловсруулах эрхтний үйл ажиллагааг сайжруулж, цус төлжүүлж, гэдэсний гүрвэлзэх хөдөлгөөнийг идэвхжүүлэх зэрэгт сайн нөлөөтэй. Мөн шар сүүг цөс угаахад өргөнөөр хэрэглэдэг.

БАЙГААГАА ЗӨВӨӨР ХЭРЭГЛЭЖ СУРЦГААЯ.

Шар сүү нь хоол боловсруулах эрхтэний үйл ажиллагааг сайжруулж, цус төлжүүлж, гэдэсний гүрвэлзэх хөдөлгөөнийг идэвхжүүлдэг, дархлаа сэргээдэг зэрэг цөөнгүй ач тустайг нь иргэдийн олонх нь мэдэх байх. Тодруулбал, шар сүүнд агуулагдах нийт уургийн 90-ээс дээш хувийг шингэц сайтай, биологийн өндөр идэвхтэй альбумин, глобулин уураг эзэлдэг байна. Альбумин, глобулин нь хүн амьтны эд эрхтэнд нэлээд хэмжээгээр агуулагддаг.

Ялангуяа, цусны плазм, сүү, өндөг, булчинд харьцангуй их агуулагддаг гэнэ. Цусанд альбумин, глобулины харьцаа тогтмол байх ба өвчлөлийн үед өөрчлөгддөгийг нь оношилгоонд ашигладаг.

1. Шар сүү нь кальцийн агууламжтай тул ясны сийрэгжилтээс сэргийлнэ

Ясны сийрэгжилт нь ямар нэг өвдөлтгүй, 2/3 нь ямар нэг шинж тэмдэггүй явагддаг тул хүн тэр бүр өөрийгөө ясны сийрэгжилттэй болсноо мэддэггүй. Сүүлийн үед залуучууд газтай ундаа маш их хэрэглэх болсонтой холбоотойгоор ясны сийрэгжилттэй залуучуудын тоо ч эрс нэмэгдэж байна. Тиймээс газтай ундаа хэрэглэхээс татгалзаж кальци агуулсан хүнсний бүтээгдэхүүн өдөр тутамдаа хэрэглэснээр урьдчилан сэргийлэх юм.

2. Шар сүү нь холестерины хэмжээг тэнцвэржүүлнэ

Холестерин нь өөх тосыг бүрдүүлдэг үндсэн хэсгүүдийн нэг юм. Хэдийгээр бие махбодид холестерин хэрэгтэй байдаг боловч цусан дахь холестерины хэмжээ хэт ихсэх нь цусны урсгалд саад учруулдаг. Цусан дахь холестерины хэмжээ нь илүүдэл жинтэй байх, идэвхгүй амьдралын хэв маягтай байх, зохисгүй хооллох, нас ахих зэрэг шалтгаанаас болж ихэсдэг байна. Холестерины хэмжээг тэнцэржүүлэхийн тулд эрүүл хоол хүнс хэрэглэх, тогтмол идэвхтэй дасгал хөдөлгөөн хийх хэрэгтэй.

3. Шар сүү нь хоол боловсруулах эрхтний үйл ажиллагааг сайжруулж, гэдэсний гүрвэлзэх хөдөлгөөнийг идэвхжүүлнэ

Хоолны шингэц муудах нь биед үүсэх олон өвчин зовиурын гол эх үүсвэр болдог. Тиймээс хоолны шингэцээ сайжруулахын тулд мөн л идэвхтэй хөдөлгөөнтэй байх шаардлагатай төдийгүй шар сүүтэй бүтээгдэхүүн тогтмол хэрэглэснээр таны ходоод илүү хөнгөн, жаргалтай байх болно.

4. Шар сүүний уураг нь булчингын массыг дэмжинэ

Тамирчид болон дасгал хөдөлгөөн идэвхитэй хийдэг фитнессээр хичээллэдэг хүмүүс ихэвчлэн whey protein буюу шар сүүний нунтаг уураг хэрэглэдэг ба энэ нь булчингийн массыг дэмждэг байна. Харин байнгын дасгал хөдөлгөөн хийдэггүй хүмүүсийн хувьд уургаа хоол хүнсээрээ нөхөх шаардлагатай ба биеийн арьсаа чангалах зорилгоор шар сүүтэй бүтээгдэхүүн өдөр тутамдаа хэрэглэх нь зүйтэй.

5. Шар сүүний уураг нь бодисын солилцоог сайжруулна

Сүүн гаралтай бүтээгдэхүүнүүд нь өөхийг хайлахад хүргэдэг кальцитриол хэмээх гармоныг ялгаруулдаг байна. Шар сүүнд сүүний өндөр чанарын уураг агуулагддаг нь бодисын солилцоог түргэсгэдэг. Түүнчлэн шар сүү биеийн энергийн зарцуулалтыг тэнцвэржүүлэх явцдаа арьсны доод өөхийг задалдаг.

Гэрийн мундаг эзэгтэй нар минь хол хориотой үед гэртээ ямар хоол хийх вэ гэж бодож байна уу?

Амархан, амттай хоол бол төмсний хучмал шүү.

Хоолны орц : Төмс , давс , сүү , масло , давс , перц , өөрийн хийхийг хүссэн амтлагч , өндөг /1ш/

Соусны орц : бульон / шар цаастай жижиг 1ш/ , гурил

Хийх арга :

Төмсөө давстай усанд чанана

Бага зэрэг сүү маслоор амталж нухана. Сүүгээ ихдүүлвэл төмсний нухаш урсах талтай.

Татсан эсвэл машиндсан махаа давс, перц, болон өөр дуртай амтлагчаараа амтлаад 1 өндөг нэмж сайн хутгана.

Тэгээд жигнэх савны ёроол махаа тавиад дээрээс нь төмсний нухашаараа хучаад духовкандаа 200 градуст 35-40 мин жигнэнэ.

Соус хийх арга : Махны шөл эсвэл үхрийн махны бульон давс перц хийгээд амтлаад буцалгана. Тусд нь жаахан хүйтэн усанд жоохон гурил хольж хутгаад махны шөлөндөө хийж өтгөртөл нь бутсалгана. Сайн хутгаарай.

Тийм ээ, бид төмсийг таргалуулдаг, цардуул ихтэй гэдгээр нь мэднэ. Гэхдээ энэ хүнс үнэхээр бидний төсөөлдөг шиг ашиг тус маруухан юм гэж үү… Тэгвэл таны тэр бүр мэдэхгүй зүйлийг энд хуваалцаж байна.

Тийм ээ, бид төмсийг таргалуулдаг, цардуул ихтэй гэдгээр нь мэднэ. Гэхдээ энэ хүнс үнэхээр бидний төсөөлдөг шиг ашиг тус маруухан юм гэж үү… Тэгвэл таны тэр бүр мэдэхгүй зүйлийг энд хуваалцаж байна.

Төмс бол дэлхий даяар маш өргөн тархсан, витамин, эрдэс бодис, амин чухал органик нэгдлүүдийг агуулсан шим тэжээл, энергийн эх үүсвэр юм. Төмс нь 70-80% ус, 17% орчим цардуул, А, B, P бүлгийн амин дэмүүд болон кальци, фосфор, төмөр, цайр гэх мэт эрдэс бодисуудыг агуулдаг бөгөөд ялангуяа витамин С, калийг их хэмжээгээр агуулдаг. Төмсний эрүүл мэндэд үзүүлэх ач холбогдолоос дурдвал:

1. Хоол боловсруулалтыг сайжруулна. Хялбар шингэх нүүрс-ус агуулсан тул хүнд хоол шингээж чаддаггүй ахмад настан, хүүхэд мөн уураглаг хүнс идэхийг хориглосон өвчтөн хэрэглэхэд тохиромжтой байдаг. Түүнчлэн эслэг их агуулдаг тул ходоодны шүүс ялгаралт, гэдэсний гүрвэлзэх хөдөлгөөнийг дэмжиж өтгөн хаталтаас шалтгаалан бий болдог бүдүүн гэдэсний хавдараас ч урьдчилан сэргийлэх ач холбогдолтой.

2. Арьс арчилгаа. Арьсны гоо сайханд тустай С болон В бүлгийн витаминууд, түүнчлэн кали, магни, фосфор, цайр гэх мэт эрдэс бодисуудыг агуулдаг бөгөөд төмсийг үрээд зөгийн балтай хольж маск тавихад нүүрэн дээрхи батга, сэвх толбо арилдаг арилдаг байна. Нухсан төмс болон төмсний ус нь тохой болон гарын арьсыг маш сайн цэвэрлэж зөөлрүүлдэг ажээ.

3. Чийг бамаас сэргийлнэ. Витамин С дутлаас болж үүсдэг завьж хагарах, буйл хавдах цус гарах гэх мэт шинж тэмдэгүүд нь танд чийг бам өвчин туссаныг илтгэнэ. Энэхүү өвчнөөс урьдчилан сэргийлэх, эдгээхийн тулд С витамин агуулдаг хүнс хэрэглэх шаардлагатай байдаг. Үүнийг хангахад тохирох хамгийн хямд эх үүсвэр бол төмс юм.

4. Үрэвсэлт өвчний үед. Зөөлөн, шингэц сайтай тул биед түргэн шингэж, витамин C, кали, витамин B6 зэрэгийн агууламж нь үрэвслийг дарахад нөлөөлдөг. Жишээ нь амны шархлаатай хүмүүсийн эдгэрэлтэнд маш сайн нөлөөлдөг хүнс юм. Үе мөчний үрэвслийг чанасан төмсөнд агуулагдах эрдэс болох кальци, магни нь багасгах нөлөөтэй байдаг байна.

5. Хавдраас урьдчилан сэргийлнэ. Улаан болон хүрэн өнгийн төмснүүд нь флавнойд антиохидант /ургамлын будагч бодис/, витамин А агуулсан байдаг нь олон төрлийн хавдраас урьчилан сэргийлэх ач холбогдолтой байдаг байна. Түүнчлэн витамин А, С өндөр агууламж нь хоёулаа хорт хавдрын аюулаас таны биеийг хамгаалж чадах антиоксидант чанартай билээ.

6. Цусний даралт ихсэлт. Төмсөнд агуулагдах кали нь судасний ханыг тэлэх нөлөөтэй, эслэг нь цусан дахь хлостериныг бууруулах нөлөөтэй тул цусний даралт ихсэлтийг эмчлэхэд эерэг нөлөө үзүүлдэг. Гэхдээ нүүрс усны агууламж өндөртэй тул чихрийн шижин өвчтэй хүмүүс болгоомжтой хэрэглэх шаардлагатай байдаг.

7. Тархины үйл ажиллагаанд сайн. Тархины хэвийн үйл ажиллагаанд цусан дахь глюкозын түвшин, хүчилтөрөгчийн хангамж, омега-3, В бүлгийн витаминууд, зарим гормон, амин хүчил, төрөл бүрийн тосны хүчлүүд гээд л маш олон шим тэжээлийн эх үүсвэр шаардлагатай байдаг. Төмс дээр дурдсан бараг бүх шаардлагад нийцэж чаддаг тул тархинд хэрэгцээтэй хүнсний нэг болдог. Жишээлбэл цусан дахь глюкозын түвшингээ хангалттай түвшинд байлгах нь ядаргаанаас сэргийлж, суралцах болон өндөр гүйцэтгэлтэй ажиллахад хамгийн их нөлөөлдөг.

8. Зүрхний өвчлөлөөс сэргийлэх. Витамин, эрдэс, эслэг болон каротинойдын агууламж нь зүрхний өвчлөлөөс сэргийлэхэд ач холбогдолтой.

9. Бөөр өвчлөл. Эрдэс, давс ихээр агуулсан ус ууж хэрэглэх, давс ихтэй хоол тогтмол идэх нь бөөр чулуужих эрсдэлийг дагуулж байдаг. Цардуул нь бие дэх илүүдэл давс, тэр дотроо хлорт натрийг идэвхтэй гадагшлуулах үйлчилгээтэй, мөн биед хуримтлагдсан бусад хортой бодисыг ч өөртөө шингээж гадагшлуулдаг тул урьдчилан сэргийлэх ач холбогдолтой байдаг. Түүнчлэн бөөрний өвчтэй хүмүүст уураглаг хоол хүнс хэрэглэхийг хязгаарладаг тул уураг бага агуулсан төмсийг хэрэглэхийг зөвлөдөг.

Дээр дурьдсанаас гадна олон олон ашиг тустай чанар бий боловч зөв хэрэглэхэд анхаарах зүйлс бий.

·        Нүүрс ус ихээр агуулдаг тул хэтрүүлэн хэрэглэх нь таргалуулах эрсдэлтэй.

·        Биед хэрэгтэй эрдэс, витамин эслэг нь ихэвчлэн хальсандаа агуулагддаг тул аль болох хальстай нь болгож идэх нь биенд         илүү ашиг тустай. 

·        Төмсийг жигнэж болгох нь хамгийн тохиромжтой гэж үздэг. Чанах явцад  аминдэмийнх нь 30% нь шөлөнд уусдаг бол харин         ууранд чанаж болговол эрдэс бодисынхоо ганц хувийг л алддаг байна.

·        Тосонд шарсан, хуурсан төмс нь тэжээллэг чанараа алдаж, тос их шингээж хэт их хоосон илчлэгтэй болдог тул эсрэгээрээ         эрүүл мэндэд муугаар нөлөөлдөг. Шарсан төмсөнд  6-8 грамм биед шингэдэггүй натураль биш тосны хүчлийг агуулагддаг.         Эрдэмтэдийн судалгаагаар шарсан төмс ихээр хэрэглэсэн хөхүүл эхийн сүүний чанар буурсан, чихэрийн шижин өвчний         эрсдлийг нэмэгдүүлдэг, дархлаа бууруулдагийг тогтоожээ.

·        Төмсөн дэх C аминдэм төмөртэй урвалд орж задардаг тул зэвэрдэггүй ган хутга, зориулалтын арилгагч зэрэгээр цэвэрлэж         байхыг зөвлөдөг байна.

·        Ургаж байхдаа наранд ил гарч, ногоорсон төмсөнд соланин хэмээх  гашуун амттай хорт бодис үүссэн байдаг тул хүнсэнд         хэрэглэхгүй байх хэрэгтэй.

·        Түүнчлэн шинэ ургацын төмс нь зооринд хадгалагдсаныг бодвол витаминлаг чанараараа илүү байдаг байна.

Х.Пүрэвсүрэн

Төмс нь хүнсний ногооны нэг төрөл бөгөөд олон наст ургамал юм. Хүмүүсийн иддэг төмс нь төмсний ургамлын газрын хөрсөн дор ургадаг болцуу юм. Энэ нь голдуу бор эсвэл ягаавтар хальстай, доторх хэсэг нь цагаан, шар өнгөтэй байна. Төмс нь Андын нуруу, Перу гэсэн өндөрлөг, сэрүүн газраас гаралтай. Хүн төрөлхтөн 7000 жилийн өмнөөс хүнсэнд хэрэглэхээр тарьж ургуулж байжээ. 1500 оны үед Өмнөд Америкт ирсэн Европчууд буцахдаа төмсийг авч яван Европт дэлгэрүүлсэн байна. Хүмүүсийн өргөн хэрэглээний хүнсний ногоо болох хүртэл 200 жил зарцуулсан байна. 1780 оноос Ирландын фермерүүд төмсийг үржил шим муутай хөрсөнд ч сайн ургадаг учраас тариалах болжээ. Төмсийг чанах, шарах зэргээр болгож иднэ.

Төмсний цэцэг ойрхон. Зүүн Сибирь

Маш олон сортын төмс байдаг ч үндсэн дөрвөн төрөлд хуваагддаг байна. Үүнд: хүнсний, техникийн, үрийн, бүх чиглэлийн. Эдгээрээс хамгийн түгээмэл хэрэглэдэг нь хүнсний зориулалттай бөөрөнхий хэлбэртэй төмс. Энэ сортын төмсний 12 – 16 хувь нь крахмал буюу цардуул, С аминдэмийг агуулдаг. Харин техникийн зориулалттай төмсний цардуул нь харьцангуй их 18 хувиас дээш агууламжтай байдаг юм.

Хүнсний зориулалт бүхий төмс нь хүний биед онцгой ач холбогдолтой. Цусны даралт бууруулах, ходоодны шарх үрэвсэл, гэдэсний түгжрээ, түлэгдлийн шарх болон арьсны намарс буюу экземийг эмчлэхэд уламжлалт ардын эмнэлэгт өргөн хэрэглэж ирсэн. Үүнээс гадна төмс нь бөөрөнхий байцаа, шар луувангаас хоёроос гурав дахин илүү илчлэг чанартай байдаг юм.

Төмсний тариалалт

НҮБ-ын Хүнс Хөдөө Аж Ахуйн Байгууллага (FAO)-ын мэдэгдлээр 2006 онд тариалсан нийт төмсний хэмжээ 315 сая тонн байна. Үүнээс:

Хятад- 88 сая тонн

Орос- 39 сая тонн

Энэтхэг- 24 сая тонн

АНУ- 20 сая тонн

Украйн- 19 сая тонн

Герман- 10 сая тонн

Польш- 9 сая тонн

Бельги- 8 сая тонн

Нидерланд- 7 сая тонн

Франц- 6 сая тонн

тус тус байна.

Аман дотор юм гарах Амны хөндийд гардаг цайвар шархыг афт гэнэ.

Дугариг, зууван хэлбэртэй, дотогш бага зэрэг хонхойсон суурьтай, цайвар шаргал өнгөрөөр хучигдсан байдаг. Дархлаа суларсан үед уруул, хацрын дотор талд ихэвчлэн гарах бөгөөд хэл, тагнай, буйлан дээр гарна. Дахилт ихтэй, жилд 2-3 удаа, өвдөлт ихтэй хэдий ч, ихэвчлэн богино хугацаанд 7-14 хоног аяндаа эдгэрдэг юм.

Шалтгаан Афт шарх гарах гол шалтгаан нь ядарч сульдах, биеийн дархлаа буурах явдал юм. Мөн эмэгтэйчүүд лүү өвчлөмтгий байдаг нь дааврын шалтгаантай хүчин зүйлстэй холбоотой. Афт гарахад нөлөөлдөг сэдрээгч хүчин зүйлсээс гол хэдийг дурдвал

Сөрөг стресс, нойргүйдэл, ажлын ачаалал

Амны салстын гэмтэл хазах, шүдний эмчилгээ, хатуу сойз

Эрдэс, амин дэм дутагдал Витамин В12, төмөр, фолийн хүчил гм

Зарим хүнс ба хүнсний харшил шоколад

Сарын тэмдгийн мөчлөг ба дааврын өөрчлөлт

Зарим эм химийн бодис ам зайлагч, шүдний оо зэрэг болно.

Афт ихэвчлэн 10 – 40 насныханд гарах ба зарим хүмүүст нэгээс хоёр хоногийн өмнө шарх гарах тэр хэсэг газарт чимчигнэж, халуу оргиж мэдрэгдэнэ Эмчилгээ Дархлаа сайжруулах эм бэлдмэл хэрэглэх хэрэгтэй.

Манай ард иргэдийн дунд дархлаа сайжруулан гэхээр янз бүрийн витамин уудаг энэ нь маш буруу юм. Учир нь витамин бол хүний хоол хүнсээрээ авч чадахгүй байгаа эрдэсийг л нөхөж өгдөг.

Ямар ч хяналтгүй дураараа их витамин ууснаар хортой болон хоргүй эдийг эмгэгээр тэжээж томруулах аюултай гэдгийг анхаарах хэрэгтэй. Шорвог, хэт халуун ногоотой хоол идэхээс зайлсхийх хэрэгтэй.

Мөн шингэн зүйл уухад их өвддөг тул цай, ундааг гуурсаар уувал өвдөхгүй. Мөн ариутгагч уусмалаар амаа зайлах арга хэмжээ авч болно.

Харин антибиотик хэрэглэх шаардлагагүй. Эцэст нь хамгийн гол сэдрээгч болдог ажлын ачаалал, стрессээ зохицуулж нойр хоол сайтай, шингэн зүйлээ сайн ууж байх нь чухал гэдгийг битгий мартаарай.

Амны хөндийн үрэвсэл нь хүүхдүүд болон насан хүрэгсдийн дунд түгээмэл үүсдэг өвчний нэг. Амны хөндийн үрэвсэл нь тийм ч хурдан эдгэдэггүй бөгөөд олон таагүй зүйлээс шалтгаалж байдаг. Тэгвэл энэ өвчин үүсэх гол 5 шалтгаан байдаг ба түүнтэй тэмцэх энгийн 8 аргатай танилцъя.

Амны хөндийн үрэвсэл гэж юу вэ?

Энэ өвчин нь аман доторх салст идээлж, шархлах байдлаар илэрдэг бөгөөд хөндүүр, өвдөлт ихтэй байдаг.

Үүсэх гол шалтгаан нь юу вэ?

1.Цитрусын төрлийн жимс

Эмчийн зөвлөснөөр зарим цитрусын төрлийн исгэлэн жимс нь аманд үүсэх яр шархыг улам ихэсгэж, түүний явцыг хүндрүүлдэг. Ийм бүтээгдэхүүнд нимбэг, жүрж, улаан лооль, гүзээлзгэнэ зэрэг ордог.

2.Стресс

Судалгааны үр дүнгээс харахад амны хөндийн үрэвсэл нь стресс ихтэй, мэдрэлийн ядаргаанд орсон хүмүүсийн дунд үүсэх нь түгээмэл байдаг аж.

3.Уруулаа хазаж хэмлэх зуршил

Ийм зуршил амны салст гэмтэхэд нөлөөлж, амны хөндийн үрэвсэл үүсэх гол шалтгаан болдог. Иймд аль болох энэ муу зуршлаасаа салах хэрэгтэй.

4.Халуун ногоотой хоол хүнс

Ихэнх хүмүүс халуун ногоотой, хурц хоол хүнсэнд дурладаг. Гэтэл энэ халуун ногоотой хоол хүнс нь амны хөндийн үрэвсэл үүсэхэд хурцаар нөлөөлж, өвчний явцыг улам даамжруулдаг.

5.Тамхидалт

Тамхины хорын талаар бид байнга л ярьж байдаг. Тамхичид бүр амны хөндийн үрэвсэлтэй байдаг учраас тамхиа хаях зайлшгүй шалтгаан энэ юм. Тамхичин тамхиа хаях хүртэл энэ өвчин таниас салахгүй гэдгийг мэдэхэд илүүдэхгүй.

Гэрийн нөхцөлд амны хөндийн үрэвсэлтэй тэмцэх 8 арга

1.Цай

Идээтэй, шархалсан хэсэгтээ ашигласан ууттай цай тавина. Цай нь үрэвслийг намдааж, ариутгаж халдваргүйжүүлэх нөлөө үзүүлдэг.

2.Зөгийн бал

Зөгийн бал нь олон талын ашиг тустай: нянгийн эсрэг, үрэвслийн эсрэг, өвчин намдаах үйлчилгээтэй. Шархалсан хэсэгт зөгийн балнаасаа түрхэхэд өвчин нь түргэн хугацаанд намддаг.

3.Давсны уусмалаар амаа зайлах

Хамгий сайн үр дүнтэй арга бол давсны уусмалаар амаа зайлах бөгөөд 1 цайны халбага давсыг нэг аяга бүлээн усанд найруулна. Мөн дээрээс нь тал цайны халбага хүнсний сода нэмж болдог.

4.Зуун настын шүүс

Хэрвээ гэрт тань зуун наст цэцэг ургадаг бол усанд түүний шүүснээс хийж найруулаад уг уусмалаараа амаа зайлна. Зуун настын шүүс нь аман дотор гарсан шархыг анагаах гайхалтай чадвартай.

5.Хэрэглэж байгаа шүдний оогоо солих

Зарим шүдний ооны найрлаганд амны хөндийн үрэвсэл үүсгэдэг, салст гэмтээдэг бодис агуулагдаж байдаг. Тэгэхээр лаурилсульфат натри /SLS/ хортой бодис агуулаагүй шүдний оо сонгохыг санал болгоё.

6.Бенадрилаар зайлах

Харшлын бенадрилын сиропыг магний сульфаттай хольж амаа зайлах нь амны хөндийн үрэвсэлтэй тэмцэх бас нэгэн шилдэг арга болдог. Эдгээр бодисыг 1:1 харьцаатай бэлтгэн найруулж уусмалаар нь минут хэртэй амаа зайлаад асгана. Уг үйлдлээ хэд хэдэн удаа давтана.

7.Түлэнхийний эм

Мэргэжилтнүүд уг эмийг хэрэглэснээр амны хөндийн үрэвслийг эмчилж болдог гэж үздэг. Аман дотор үүссэн шарханд хүнсний хүчил, хоол боловсруулалтын фермент орсноор өвдөлт ихтэй байдаг тул уг эм нь хүчлийг саармагжуулж, эдгэрэлтийг түргэсгэдэг.

8.Йогурт

Таны аман доторх салст гэмтэж, шархалсан бол ацидофилийн нянгаар баялаг йогурт хэрэглээрэй. Энэ нян нь амны хөндийн үрэвсэлд эерэгээр нөлөөлөөд зогсохгүй өдөрт хэд хэдэн халбагыг хэрэглэснээр уг өвчнөөс урьдчилан сэргийлж болдог байна.

Амны салстын афт гэж юу болох талаар ХСҮТ-н толгой хүзүү, нөхөн сэргээх мэс заслын тасгаас мэдээлэл өглөө.

Амны салстын афт

Амны хөндийд гардаг цайвар шархыг афт (aphthae) гэнэ. Дугариг, зууван хэлбэртэй, дотогш бага зэрэг хонхойсон суурьтай, цайвар шаргал өнгөрөөр хучигдсан байдаг. Уруул, хацрын дотор талд ихэвчлэн гарах бөгөөд хэл, тагнай, буйлан дээр ч гарч болно. Дахилт ихтэй, жилд 2-3 удаа гарах нь элбэг. Өвдөлт ихтэй хэдий ч, ихэвчлэн богино хугацаанд (7-14 хоног) аяндаа эдгэрдэг.

Шалтгаан

Афт шарх гарах шалтгаан нь тодорхой бус боловч үндэс суурь нь биеийн дархлаа буурах явдал юм. Мөн эмэгтэйчүүд илүү өвчлөмтгий байдаг нь дааврын хүчин зүйлстэй холбоотой.

Афт гарахад нөлөөлдөг сэдрээгч хүчин зүйлсээс гол хэдийг дурдвал

Сөрөг стресс, нойргүйдэл, ажлын ачаалал

Амны салстын гэмтэл ( хазах, шүдний эмчилгээ, хатуу сойз)

Эрдэс, амин дэм дутагдал (Витамин В12, төмөр, фолийн хүчил гм)

Зарим хүнс ба хүнсний харшил (шоколад)

Сарын тэмдгийн мөчлөг ба дааврын өөрчлөлт

Зарим эм химийн бодис (ам зайлагч, шүдний оо) зэрэг болно.

Мөн дархлааны өөрчлөлттэй холбоотой суурь өвчнүүд болон ДОХ-ын үед афт гарах нь олон.

Шинж тэмдэг

Ихэнх афт дугуй, зууван дугуй хэлбэртэй цайвар шаргал өнгөрөөр хучигдсан улайсан хүрээтэй байдаг. Хэлний дор, буйл, хацар, уруулын дотор талын салстад эсвэл зөөлөн тагнайд гарч болдог. Шалбархай гарах хэсэгт 1-2 хоногийн өмнө өвдөлт өгдөг.

Хэрхэн урьдчилан сэргийлэх вэ?

Хоол хүнсэндээ анхаарал хандуулаарай- Амны хөндийг цочроож байгаа хоол хүнсийг хэрэглэхгүй байх. (Самар, чипс, халуун ногоо, давслаг хоол хүчиллэг жимс)

Эрүүл хоолыг сонгоорой- Шим тэжээлийн дутагдлаас сэргийлж ногоо, жимс, бүхэл үрийн бүтээгдэхүүн идээрэй.

Стрессээ бууруулах

Амны хөндийн эрүүл ахуйг сайжруулах- Амны хөндийг хоол идсэний дараагаар өдөр тутамдаа угааж цэвэрхэн байлгах. Буйланд цочруул үүсгэхээс сэргийлж зөөлөн үстэй сойзыг хэрэглэх мөн “sodium lauryl sulfate”-н найрлагатай шүдний оо, ам зайлагч хэрэглэхээс татгалзаарай.

Эмчилгээ

Ихэнх хүмүүст цөөн, жижиг шарх үүсдэг тул эмчид үзүүлэх, тусгайлан эм хэрэглэх шаардлагагүй, аяндаа эдгэрнэ. Харин өвдөлтийг багасгахын тулд хэт халуун, хурц амтлагчтай, шорвог хоол идэхээс зайлсхийх хэрэгтэй болов уу. Мөн шингэн зүйл уухад их өвддөг тул цай, ундааг гуурсаар уувал өвдөхгүй.

Мэргэжилтнүүдийн үзэж байгаагаар буруу байрлал нь нуруу, үе мөч, хөлний өвдөлтийн гол шалтгаан болдог. Хүзүү, нуруу, үе мөч, хөл өвддөг хүмүүст гайхамшгийг бүтээдэг өвдөлтийг намдаах, ясны эд эсийн бүтцийг бэхжүүлэх гэрийн эмчилгээний жорыг хүргэе.

Энэхүү жорны найрлагад шаардлагатай орцуудын хувьд үнэтэй эсвэл чамин зүйл байхгүй. Танд хэрэгтэй зүйл бол ямар ч дэлгүүрт байдаг 150 грамм желатин юм. Орой унтахынхаа өмнө нэг аяга хүйтэн усанд хоёр хоолны халбага буюу 5 грамм желатин хийж хутгана.

Холимогоо нэг шөнийн турш байлгана. Үүнийг хөргөгчинд хадгалж болохгүй. Устай холилдоход желатин нь тараг шиг болж хувирдаг. Маргааш өглөө нь шинэхэн шүүс, сүү, тараг эсвэл цай зэрэг дуртай зүйлдээ желатинаа нэмэж ууж хэрэглэнэ.

Желатин нь хүзүү, нуруу, үе мөч, хөлний өвдөлтийг эмчлэхэд тусалдаг. 7 хоногийн дотор та үр дүнг анзаарах болно.

Үүнийг нэг сарын турш хийж, зургаан сарын дараа бүх процедурыг давтана. Ингэснээр та үе мөчөө тослож байна гэсэн үг.

Желатин яагаад таны үе мөчүүдэд сайн байдаг вэ?

Желатин нь өндөр чанартай гэрийн эмчилгээ гэж тооцогддог бөгөөд энэ нь эрүүл мэндийн янз бүрийн ашиг тусыг өгдөг. Жишээ нь:

Желатин нь үе мөч болон зүрхний булчинг бэхжүүлдэг

Бодисын солилцоог идэвхжүүлдэг

Сэтгэцийн чадварыг дээшлүүлдэг

Арьсны өнгийг сайжруулна

Уян хатан байдлыг нэмэгдүүлж, шөрмөсийг бэхжүүлдэг

Ясны сийрэгжилт, үе мөчний үрэвсэлт өвчнөөс урьдчилан сэргийлэхэд тусалдаг

Үс, арьсны бүтцийг бэхжүүлнэ

Дисплази эмчлэхэд тусалдаг

Энэхүү гэрийн эмчилгээ нь таны өвдөлтийг 7 хоногийн дотор арилгах болно. Сарын дотор таны нөхцөл байдал мэдэгдэхүйц сайжирч, өвдөлт үүрд алга болно.

Дасгал хийж байх үед шөрмөс татах нь цөөнгүй. Тэр тусмаа тогтмол өндөр ачаалалтай бэлтгэл сургуулилт хийдэг тамирчдын дунд элбэг тохиолддог. Тэгвэл бидний хэлж заншсанаар шөрмөс яагаад татдаг талаар товчхон тайлбарлаж өгье.

Халуун орчинд удаан хугацаанд ажиллах, дасгал хөдөлгөөн хийх үед хөлс ихээр ялгарна. Энэ үед хөлсөөр эрдэсээ алдаж байдаг. Хөлсний найрлагад натри, хлор, кали, магни, кальци зэрэг электролит байдаг. Дунд эрчимтэйгээр дасгал хөдөлгөөн хийхэд 1 цагт 1-3 литр хөлс ялгаруулдаг.

Энэ үед 1380-5520мг натри хөлсөөрөө алдаж байдаг. Хүний бие нийт шингэнийхээ 1% -ийг алдахад цангах мэдрэмж үүсдэг. Өндөр ачаалалтай бэлтгэл сургуулилт хийдэг тамирчид бэлтгэлийн дараа их цангадаг. Энэ үед цэвэр ус уугаад цангаа гарахгүй байна гэцгээдэг нь электролитоо нөхөж чадахгүй байгаатай холбоотой. Бас бэлтгэл сургуулилтийн үед бидний хэлж заншсанаар шөрмөс татах нь элбэг.

Үнэндээ энэ нь шөрмөс татах бус булчингийн актин миозин уургийн агших сунах үйл явц алдагдаж булчин агшиж чангарч хатуурах үйл явц юм. Булчингийн агших сунах үйл явцад кали, кальцийн оролцоотойгоор явагддаг. Иймд алдсан электролитээ нөхөж чадаагүйгээс дээрх шинж илэрдэг. Мөн зүрхний булчин кали дутагдахад мэдрэгээр хүлээж авдаг.

Кали дутагдахад зүрхний цохилт олшрох, артерийн даралт хэлбэлзэх шинжүүд илэрдэг. Хөлсөөр шингэнээ алдах үед зөвхөн ус ууснаар шингэн нөхөгддөггүйг тайлбарлахыг хичээлээ. Энэ үед ус, электролит зохистой харьцаагаар агуулсан шингэн нөхөх давсны уусмал уух нь чухал. ДЭМБ-аас гаргасан зөвлөмжийн дагуу цайр 1.5мг, кали 157мг, хлорид 458мг, натри 341мг, глюкоз 2.7гр-ийн харьцаатайгаар 1 уутанд савласан “Денк-Электролит” бэлдмэлийг 200мл усанд найруулж нэг удаад ууна.

Спортоор хичээллэдэг хүмүүс хоногт 3 удаа хэрэглэнэ. Хүндэтгэсэн: Цахим Эмч Биеийн хэвийн үйл ажиллагаанд нилээд хэдэн химийн элемент их бага хэмжээгээр оролцож, байдаг. Тэдгээр химийн элемент дутагдвал ямар нэг эд эрхтний үйл ажиллагаа хямарч олон төрлийн өвчний эхлэл болдог.  Натри, кали, кальци, фосфор,магни гэх мэт олон химийн элементийг ерөнхийд нь эрдэс буюу минерал гэж нэрлэх боловч тухайн бодис юунд хэрэгтэй, яаж түүнийг нөхөх вэ? гэдэг талаар мэдлэгтэй хүн тийм ч олон биш болов уу. Бид хүний биед голлох үүрэг бүхий химийн элементүүдийн талаар танилцуулж байна.

Манай эхний “зочин” кали. КАЛИ ГЭЖ ЮУ ВЭ? Химийн үелэх системийн үндсэн элементийн нэг энэ бодис биед тодорхой хэмжээгээр байж, маш чухал үүргүүдийг гүйцэтгэдэг. КАЛИ ЯМАР ҮҮРЭГТЭЙ ВЭ? Кали биед дараах үүргийг гүйцэтгэдэг: Мэдрэл, булчингууд үйл ажиллагаагаа гүйцэтгэхэд шаардлагатай натри калийн тэнцвэрт байдлыг хангахад оролцдог. Зүрхний булчингийн үйл ажиллагааг хэвийн байлгахад чухал үүрэгтэй бодис Судас, булчин, элэг, бөөр, тархины эд, дотоод шүүрлийн булчирхай болон бусад эрхтний зөөлөн эдийн үйл ажиллагааны хэвийн байдлыг хангахад оролцдог.

Калийн тусламжтайгаар илүүдэл усыг маш түргэн гадагшлуулж шээс ялгаралтыг сайжруулна Цусны даралтыг бага байлгахад нөлөөлдөг Бие дэхь Уураг, нүүр усны солилцоог идэвхижүүлэгч болдог

КАЛИ БИЕД ДУТАГДВАЛ ЯАХ ВЭ?

Шөрмөс татах, хурдан ядрах цуцах зэрэг шинж нь бие кали дутагдсаны сонгомол шинжүүдийн нэг юм. Дасгал хийх зэргээр биеийн хүчний огцом ачаалал авахад шөрмөс татах, булчин зангирах зэрэг шинж тэмдэг илэрдэг нь кали дутагдсаны шинж болохыг анхаар.

Биед кали дутагдвал зүрхний булчинд бодисын солилцооны хямрал үүсгэх эхлэлийг тавьдаг. Хэрэв байнга кали дутагдалтай байвал зүрхний булчингийн агших давтамж өөрчлөгдөн зүрхний хэм алдалт болон бусад өвчнүүд үүсч эхэлдэг. Кали дутагдалтай холбоотойгоор артерийн даралтын өөрчлөлт гарахаас гадна янз бүрийн шархлаа өвчнийг үүсгэх аюултай. Тухайлбал ходоод, 12 хуруу гэдэс, умайн хүзүүний шархлаа үүсч болно. Түүнчлэн жирэмслэлт хугацаанаас өмнө таслагдах, арьс хуурайших, сулрах, гэмтсэн арьсны нөхөн төлжилт удааширах шинжүүд ажиглагддаг.

КАЛИГ ХЭРХЭН НӨХӨХ ВЭ?

Ер нь бол хүн хоногт 2-4 г калийг хоол хүнсээр дамжуулан авч байвал калийн дутагдалд орохгүй. Өөрөөр хэлбэл хүний биед 1 хоногт шаардлагатай кали нь төдий хэмжээтэй байна гэсэн үг. Дээр бичсэнчлэн биеийн хүчний хэт ачаалал авсан тохиолдолд шөрмөс татах зэрэг шинж илэрвэл кали дутагдсаны шинж. Иймд та хамгийн энгийнээр дасгал, бэлтгэл хийж байхдаа үзэмний шүүс ууж байвал калийн дутагдлаас сэргийлж болно. Учир нь үзэм калийгаар маш баялаг жимснүүдийн нэг. Хэрэв та зүрхний болон бусадэрхтний эмгэгтэй бол эмч өвчний нөхцөл байдлаас шалтгаалан калийн агууламжтай эмийн бодисыг эмчилгээнд хэрэглэдэг.

ЯМАР БҮТЭЭГДЭХҮҮН КАЛИГААР БАЯЛАГ ВЭ?

Ургамал, хүнсний ногоо, жимс калийгаар маш баялаг байдаг. Талх, төмс, вандуй калийн агууламж өндөртэй. Түүнээс гадна алим, усан үзэм, мандарин жүрж лимон зэрэг цитрусын жимс, киви банана кали ихээр агуулдаг. Манайхны хамгийн их мэддэг, калийн агууламж өндөртэй жимс бол үзэм. Иймд дээрхи бүтээгдэхүүнийг тогмол хэрэглэх нь калийн дутагдалд орохоос сэргийлнэ.    

Хий гэж юу вэ?

Хүний бие анх эхийн хэвлийд

-эцгийн цагаан дусал,

-эхийн улаан цус,

-өөрийн намш гэсэн гурван зүйлээс бүрэлдэж хүн бий болдог.

Намш гэдэг нь хязгааргүйгээс, олон эрин галавыг туулан, янз бүрийн төрөл дамжин , сайн муу үйлийн үрийг тээж, хадгалж ирсэн хар үгээр бол нэг ёсны үйлийн үрийг хадгалсан сүнслэг ой санамж гэхэд болно. Намшийг биежүүлэгч нь эр, эм хоёр эс гэж үздэг. Энэ үйл явцад хийн оролцоо маш чухал байдаг.

Ураг эхийн хэвлийд 5 долоо хоногтой байхад анхны буюу үндсэн гурван судасны эх үүсвэр бий болдог.

-артер, венийн буюу цусан судас,

-тархи, нугас дагасан мэдрэлийн судас,

-хийн судас.

Энэ гурвыг хүний биеийн үндсэн гурван судас гэж үздэг. Толгойн оройгоос бэлэг эрхтний үзүүр хүртэл гол хийн судас байрладаг, түүний салаа нь биеийн бүх хэсгээр түгэж оршдог.

Хийн судас хоосон чанартай.

Түүнээс гадна цусан судас болон мэдрэлийн цагаан судасны дотуур хий гүйж байдаг. Энэ судсан дотор хүний сэтгэл гүйж байдаг.

Хийн судасны салаанууд биеийн бүх хэсгээр байдаг. Хүн гэнэт айхад бүх биенээс хар хөлс асгардаг нь сэтгэлийн хувь бүх биед байгаагийн илрэл.

Их санааширч, гунигладаг хүний хүсэл тачаалын сэтгэл их учраас хийн эрхтнүүд болох зүрх, толгой, ясны өвчинд голчлон нэрвэгдэнэ. Ер нь бүх өвчний гол шалтгаан нь сэтгэлд оршдог гэж үздгийн учир энэ юм.

Сэтгэл хэр зэрэг амар амгалан байна тэр хэрээр хийн судасны гүйдэл түвшин байж бие эрхтэн эрүүл байдаг.

Аливаа өвчний үндэс, шалтгааныг тасалъя гэвэл сэтгэлээ засч, амар амгалан байх нь чухал. Хүн аливаад туйлын тайван амгалан байх ёстой.

БИЕИЙН ХИЙГ ДАРАХ УЛАМЖЛАЛТ АРГУУД

Хиншүү, хярвас, утаа, үнэрээр дарах

– Хөх аргал, хомоолын утаа

– Ясны хиншүү

– Толгой, шийрний хярвас

– Шар эсгийний хярвас

– Хуушуур, буузны үнэр

– Цууны үнэр

– Сонгино, гааны үнэр

– Сармисны үнэр

Хийн цэгүүдээр илж, жигнэж, төөнөж дарах

– Халуун чулуу. (Заавал боодог, хорхогны чулуу гэхгүй. Ястай цуг буцалгасан хар, хөх өнгийн чулуу байхад болно.)

– Халуун яс

– Жигнэсэн мах

– Хуушуур

– Шар тос

– Чөмөгний тос

– Ургамлын үрийн тос

– Сүүлний үзүүрийн 5 үе дээр байдаг уураг сүүлний тос

Өвөрмөц хоол идэх аргаар дарах

– Ясны шөлөнд хийсэн бантан

– Хайлмаг (1-2 халбагыг халуунаар идэх)

– Цагаан тосны цөв (1-2 халбагыг халуунаар идэх)

Арвидсан хийг улаанаар дарах (дөрөв болон гурван шимтийн шөл)

150гр буцалж байгаа усан дээр нимгэн зорж хэрчсэн гуяны бор мах, чимх бурам, 3гр шар тос, 5гр монгол архи, бага зэрэг давс, зуурч бэлэн болгосон шингэн гурил нэмж битүү чанаж болгоод хийн гүйдлийн цагаар өдөрт 1 удаа, нийт 3-7 удаа идэх

Арвидсан хийг цагаанаар дарах

15гр замбайн гурилыг 5гр шар тосонд хуурч, 1 аяга түүхий сүү хийн хөөрүүлж, чимх нунтаг цагаан гаа нэмж 3 өглөө дараалан хий хөдлөх цагаар ууна.

Буцалсан усанд хар цай шиг өнгөтэй болтол бор бурам хутгаж, 3 гр шар тос нэмж, хий босох цагаар уувал биеийн ядаргаа арилж цус төлжүүлж, бодисын солилцоо сайжирна.

Борви, тойг, далны тогоо яс, сүүлний үзүүрийн 5 үе ясыг хамтад нь чанаж, шөлийг нь халуунаар оочиж уух

50гр монгол архинд бурам, шар тос хийж бүлээсгэж орой хий хөдлөх цагаар уух

Мөлжсөн ясыг 6 удаа чанаж, шөлөнд нь хоол хийж идэж бай. Арвижсан хий дарахаас гадна шүд, ясыг бэхжүүлнэ.

Өглөө хий босох цагаар 7 банштай шөл, борцтой цай уух

– Хонины махтай гурилтай шөл

– Адууны мөлжсөн ясны шөл

– Халгайн зутан

Эдгээр хоолыг ээлжлэн хэрэглэж болно.

Хий босох цагууд:

– Өглөө: 03.40-07.40

– Орой: 17.40-19.40

Хийн цэгүүд:

– толгойн чанх орой дээр байдаг цэг

– 2 чихний арын төвгөр

– 2 чихний нүх

– 2 чамархай

– Хүн хонхор

– Ооч

– Эгэмний сэтэрхий

– Эгэмний төвгөр

– Хүйс

– Умдаг ясны дээд тал

– 2 бөөр тушаа (араас)

– Олон уулзах

– Өвдөгний гадна, доод талд байдаг цэг

– 2 гарын алга, 2 хөлийн тавхай, хуруунуудын өндөг

– Гарын шуу урд 1/3 (дотор талдаа)

– эрхий, долоовор хурууны завсар байдаг цэг

ХИЙ ӨВЧИН – ЦУВРАЛ 2

Дээш гүйгч хий өвчүүнд орших бөгөөд хамар хэл багалзуурт гүйнэ. Үг гаргах, хүч чадал, өнгө зүс, хичээл шамдал дурдлыг тодруулна. Энэ хий хямрахад илэрдэг хамгийн гол зовуурь нь өвчүүний ард хүнд оргих. Зүрхний бичлэг, эхогоор мөн л өөрчлөлт илэрдэггүй. Удаан ярихаар хэл чулчирах, ээрнэ, хоолой гарахаа болино.

Нүүр, ам мурийна. Маш амархан тамирдаж ядарна, ам их цангана, арьс нь маш хуурай болно. Бас нэг шинж тэмдэг нь хэлгийрэх буюу ярьж чадахаа больчихдог. Өөрөө зүгээр яриад байна гэж бодох боловч үгийг нь сонсож байгаа хүн ойлгодоггүй. Үгийг тод хэлж чадахаа больдог гэсэн үг. Дээш гүйгч хий хямрахаар мөн үнэрлэх мэдрэмж буурчихдаг. Чих, хамар, хоолой эмнэлэгт үзүүлэхээр, “Зүгээр, хэвийн байна” гээд байдаг. Европ анагаах ухаанд хийн талаарх онолын ойлголт байдаггүй учраас хийн хямралаас үүдэлтэй хөнгөн, хүнд хэлбэрийн эмгэгийг оношлох, эмчлэх талаар дутагдалтай байдаг.

Түгээгч хий зүрхэнд орших бөгөөд бүх биед түгж гүйнэ. Явах харайх, атийлгаж тэнийлгэх, жийх хумих зэрэг биеийн үйлдэл бүрийг хийнэ. Энэ хий хямрахад зүрх мушгирч, тэр орчмоор өвдөнө, биеийн хөдөлгөөн алдуурна, ухаан санаа будангуйрна. Юмыг барин тавин санадаг болчихдог. Дотор эвгүйрхэж, манарна. Түрхэн зуурт үхэтхийн унана. Манайд яг ийм шинж тэмдэг илэрсэн нэг өвчтөн эмчлүүлж байна.

Тэр хүн, “Гудамжинд явж байтал байшингууд над дээр налаад ирж байгаа юм шиг санагдаад би уначхаад босож ирсэн” гэдэг. Өвчтөн маань тэгж унаснаас болоод шагай нь хугарчихсан байсан. Хий хямрахад хүн ингэж агшин зуурт ухаан балартаж, тэнцвэр алдагддаг байх жишээтэй. Хөл гар нь хөшиж явж сууж чадахгүй болох, бөгтийх, яс үесийн хэлбэр хэмжээ өөрчлөгдөх, хөдөлгөөн хязгаарлагдах зэрэг шинж илэрнэ.

Лууван хэлбэр хэмжээ, өнгө амтаараа ялгагддаг. Хүнсний лууван голдуу улаан шаргал, харин тэжээлийн лууван нь шар, цагаан байдаг. Луувангийн био идэвхт бодис: амин дэмүүд В1 0.1 мг, В2 0.05мг, хүчлүүд 0.6 мг, Д витамин , фолийн хүчил 0.1 мг, каротин 7.2 мг,чихэрлэг 15 мг, тослог, 0.7 мг, давс, магни, кальци, натри, маргенц, фосфор болон бусад эрдэслэг бодисуудыг агуулдаг.

Лууванг ардын эмчилгээнд А амин дэм дутагдсанаас үүдэлтэй ядаргаа, хоолны дуршил багасах, амьсгалын замын элдэв өвчлөл, астм, салхинд цохиулах, ойр ойрхон өвчинд өртөх үед, арьсанд өөрчлөлт орох, ходоод гэдэс хямрах, цус багадах, зүрх судасны системийн өвчлөл, элэг, бөөр, бодисын солилцоо алдагдах, өтгөн хатах, шамбарам зэрэг өвчнийг эмчилдэг. Мөн үрэвсэл намдаах, шээс хөөж бөөр цэвэрлэх, хөлрүүлэх, хавдрын эсрэг үйлчилгээ үзүүлэх, гэдэсний туузан хорхой гадагшлуулах, шарх аниулах чадалтай эмийн болон хүнсний асар их ашиг тустай ургамал юм. Луувангаар зүрхний шигдээс, судас нарийсах, даралтанд өөрчлөлт орох, бөөр чулуужих, хорт хавдраар өвчлөх, нүдний хараа муудах, биед амин дэм С, В дутагдах, шарх эдгэрэлтийг түргэвчлэх, биеийн дархлааг сайжруулах, амны хөндийн үрэвслийг дарах гэхчилэн олон өвчин зовиурыг эмчилдэг.

Лууван кали ихтэй учир зүрх судас, бөөрөнд сайнаар нөлөөлдөг. Мөн нян устгах чадлаараа сонгино, сармиснаас дутахгүй. Бага зэрэг лууванг түүхийгээр нь идэхэд амны хөндийн нян устгадаг. А амин дэмээр баялаг шар луувангийн шүүс бол бие махбодод амархан шингэдэг.

Мөн В,С,Д амин дэмүүд ч луувангийн шүүсэнд их байдаг. Зөв бэлтгэсэн шинэ луувангийн шүүс бол натри, кали зэрэг органик шүлтлэг элементүүдээр баялаг байдаг. Мөн кальци, магни, төмөр их бий. Энэ бүх элементүүд фосфор, хүхэр, цайр, хлор зэрэгтэй их сайн зохицож бие махбодод онцгой сайнаар нөлөөлдөг билээ.

Луувангийн шүүс нь хамгийн зохистой найрлага бүхий органик ус байдаг. Түүнд бие махбдын эд эсүүдэд шаардлагатай шим тэжээлийн бодисууд агуулагддаг. Энэ шүүсийг 0.5-аас 3-4 литр хүртэл ямар ч хэмжээгээр ууж болно. Луувангийн шүүсийг ууж байх үедээ өтгөрүүлсэн саахар, цардуул, гурил зэргийг огт хэрэглэж болохгүй. Шүүсний чанар түүнийг хэрхэн бэлтгэсэнээс шалтгаалахыг бүү март. Чанар сайтай шүүс шим тэжээлийн бодисуудаар баялаг байдаг тул бага хэмжээтэй уусан ч хүнд ашигтай. Хэрэв төвөөс зугтах хүчний үйлчлэлийн зарчмаар ажилладаг шүүс шахагчаар луувангийн шүүсийг шахаж авсан бол бие махбодыг цэвэршүүлэх, эмчлэхэд илүү их шүүс шаарддаг.

Харин шингэнт шахуургын юм уу үрэх аргаар гаргаж авсан бол арай бага хэмжээтэй шүүс хэрэгтэй. Луувангийн шүүс нь бие махбодын бараг бүх үйл ажиллагааг хэвийн болгоход тустай. Шархлаа, хавдруудыг ч эмчлэхэд нэмэртэй гэдэг. Луувангийн шүүс уувал дархлаа сайжирч, нойр булчирхайн ажиллагаа идэвхжиж, нүдний хараа сайжран, нүдний бүрхэвчийн үрэвсэл, коньюнктивит буюу нүдний холбогч эдийн үрэвсэл зэрэг нүдний өвчин эдгэрдэг. Луувангийн шинэ шүүс амьсгалын эрхтэнүүдийн үйл ажиллагааг хэвийн болгож, гавлын ясны нүүрний хэсгийн хөндийн өвчнүүдээс ангижрахад тустайгаас гадна хоолны дуршлыг сайжруулж, хоол боловсруулалтыг эрчимжүүлэн шүдэнд сайнаар нөлөөлдөг.

Луувангийн шүүс бол эрчим хүч,хүч чадлын эх үүсвэр юм. Энэ шүүсний тусламжтайгаар элэгний болон гэдэсний өвчинг анагааж, цөсний сувгийн бөглөрлийг эмчлэх боломжтой. Өөр бусад аргаар дийлэхгүй тийм хүчирхэг цэвэрлэгээг луувангийн шүүсээр хийх боломтойгоос гадна дерматит буюу арьсны үрэвсэл зэрэг өвчнүүдийг эмчилж, арьсаа цэвэр, эрүүл сайхан болгож чадна.

Луувангийн шүүс бол нүдний харааг сайжруулах их сайн хэрэгсэл юм. Нисгэгч болохоор шалгуулаад нүдний хараагаар гологдсон залуус луувангийн шүүсийг хэдэн долоо хоног уугаад дахин шалгуулахад ямарч өөгүй тэнцсэн тохиолдол байдаг. Луувангийн шүүсний тусламжтайгаар бие махбодоо цэвэрлэх явцад арьс огцом цайрдаг нь бие махбодоос гадагшилж байгаа хорт бодисууд улбар шар, шар будагч бодисуудын өнгөтэй байдагтай холбоотой бөгөөд тэдгээр хорт бодисууд гадагшилж дуусмагц арьс цайвар өнгөтэй болдгоос тэр бөгөөд элэг амжилттай цэвэрлэгдсэний дохио юм.

Харин нойр дутах, хэт ядрах, эсвэл архаг ядаргаа зэрэг бусад шалтгаангүй бол хэсэг хугацааны дараа арьс эргээд хэвийн өнгөндөө ордог. Луувангийн шүүсэнд агуулагддаг шим тэжээлийн бодисууд нь нойр булчирхай, бэлгийн булчирхайнууд зэрэг дотоод шүүрлийн булчирхайнуудад их шаардлагатай. Энэ шүүс заримдаа үргүйдлийг эмчлэх тохиолдол ч бий. Итгэхэд мэт боловч үргүйдлийн шалтгаан нь чанаж болгосон, ариутгаж тунгаасан хоолны удаан хугацааны хэрэглээ байдаг. Жирэмсэн эхчүүд луувангийн шүүс ууж хэрэглэвэл хүүхдээ төрүүлэх үед “сепсис” буюу идээ тархах аюулаас сэргийлж чадна. Луувангийн шүүсийг өдөр тутам хэрэглэхэд асар их ач тустай.

Хөхүүл эх луувангийн шүүс өдөр бүр тогтмол уувал сүүний найрлагыг баяжуулж сайжруулдаг. Луувангийн шүүсийг бусад шүүстэй хольж ууж төрөл бүрийн өвчинг анагаадаг. “Лууван-хүрэн манжин-өргөс хэмх”-ийн шүүсний холимог уувал бөөр болон цөсний хүүдий дэх элс, чулуу гадагшлуулахад тустай. Харин луувангийн шүүсийг бууцайны шүүстэй хольж уувал бүдүүн гэдэсний үйл ажиллагааг сайжруулдаг. Энэ нь зөвхөн бүдүүн гэдэсний ажиллагааг сайжруулдаг төдийгүй бие махбодын ерөнхий байдалд тустай. Учир нь бүдүүн гэдэс муу бол үргэлж ядрах, тайван биш болох, мэдрэлийн ачаалал дарамтанд орох шалтгаан болдог. Чанасан, дахин боловсруулсан хоол хүнс бүдүүн гэдсэнд сөрөг нөлөөтэй. Тэгэхлээр яах ёстой вэ? Гэдсээ цэвэрлэ. Бие таагүй оргиод байвал хамгийн түрүүнд хэд хэдэн удаа бургуй тавьж угаа. Зөвхөн ингэсний дараа л шинэ түүхий луувангийн шүүс үр дүнгээ өгнө. Бургуйгаар гэдсээ цэвэрлэсний дараа “лууван- бууцай”-ны шүүс ууж гэдсээ хэвийн байдалд нь оруул.

Амьд хоол тэжээлийн дутагдалд орсон эсүүд өлөн зэлмэн байж, зохих ёсоор үүргээ биелүүлж чадахгүйд хүрдэг. Сульдаж ядарсан эсүүд гэмтэж, дүрсээ өөрчилж эхэлдэгээс болоод шархлаа , хавдар зэрэг өвчин үүсдэг. Гэвч луувангийн шүүсийг үндсэн хэрэглээгээ болгохын зэрэгцээ бусад жимс ногооны түүхий шүүсийг ухаалгаар сонгон ууж байвал тэдгээр эсүүдийг хэвийн байдалд нь эргүүлэн оруулах боломжтой. Уух шүүсний хувь харьцааг бичсэнгүй. Тодруулж болно.

Бодисын солилцоогоо залуу хэвээр хадгалж, илүүдэл жингүйгээр эрүүл гоолиг байхыг хүсч байна уу?

Гоолиг сайхан биетэй байх гэдэг асуудал эмэгтэй хүн бүрийн толгойны өвчин юм. Насанд хүрсэн цагаасаа бүхий л амьдралынхаа туршид яг л нэг жиндээ жингээ бариад байдаг азтай хүмүүс бий. Стресс, гормон, амттанд дуртай байдал, хөдөлгөөн багатай амьдралын хэвшил, хүүхэд төрүүлэх … гээд эмэгтэй хүний гадаад гоо сайханд нөлөөлдөг зүйлс их. Та толинд өөрийнхөө унжсан гэдэсийг хараад үзэн ядсан харцаар хардаг уу?.

Энэхүү экспресс дэглэм бол жин бууруулах гайхалтай арга юм, ялангуяа чухал үйл явдалд оролцох гэж байгаа эсвэл урин дулаан цагт жингээ барих гэж байгаа бол. Өөрийн биедээ хор учруулахгүйгээр бас жингээ хассаны дараа цонхийж, ядарч туйлдсан юм шиг харагдахгүйн тулд та тураах бүтээгдэхүүн сонгохдоо ухаалаг хандах хэрэгтэй шүү.

Лууван бол дан ганц зөвхөн нүдний хараа, арьсанд сайн нөлөө үзүүлдэг эрүүл хүнсний ногоо биш юм. Лууван нь жингээ хасахад маш тустай хүнсний ногоо юм. Бие махбодийг эрүүл байлгах идэвхитэй үйл ажиллагааг гайхалтай дэмжин гадаад төрхийг тань гайхалтай сайхан байлгах олон бодисоор биеийг тэтгэж өгдөг. 30 минутаас бага хугацаанд чанаж болгосон 100 гр лууванд 35 калори илчлэг агуулагддаг. Лууван дээр суурилсан янз бүрийн хоолны дэглэм байдаг. Бид одоо танд 3 болон 10 хоногийн хугацаанд барьдаг хоёр төрлийн дэглэм танилцуулах гэж байна.

ЛУУВАНГИЙН ДЭГЛЭМ

Хэрэв та бүх зөвлөмжийг чанд дагаж мөрдөж чадвал 3 хоногийн дотор 3 – 4 кг илүүдэл жин хасах боломжтой. Өөрөөр хэлбэл, 10 хоног мөрдөж чадвал энэ хугацаанд үүнээс 2-оос 3 дахин их буюу ойролцоогоор 5 кг-аас багагүй жинг хасаж чадах юм. Мөн та өдөр тутмынхаа амьдралд кардио дасгалыг хийж хэвшвэл жингээ хасаад зогсохгүй илүү эрүүл чийрэг харагдах болно. Луувангийн шүүс, салат, нухаш … зэрэг лууван суурьтай хоолны дэглэмийг моно дэглэм гэдэг. Эмч нар энэ дэглэмийг арав хоногоос дээш хугацаагаар барихыг зөвлөдөггүйг анхаараарай.

Мөн ходоодондоо ачаалал үзүүлэхгүйн тулд луувангаа сайтар зажилж идэх ёстойг анхаараарай. Хэрэв та хүссэн үр дүндээ хүрсэн бол 10 хоногийн турш хоолны дэглэм барих шаардлагагүй. Дан ганц хоолны дэглэмээс илүү идэж байгаа зүйлийн чинь хэм хэмжээ хэвийн, жигд байх ёстой. Идэж байгаа зүйлийнхээ хэмжээг хэртүүлснийхээ дараа биш идэхээсээ өмнө анхаарч байгаарай. Одоо энэхүү дэглэмийн талаар илүү дэлгэрэнгүй ярилцуулъя.

3 ХОНОГИЙН ХУГАЦААНД  БАРИХ ЛУУВАНГИЙН ДЭГЛЭМ

Өдрийн 8:00, 11:00, 14:00, 17:00 цагуудад луувангийн салат иднэ. Үүнийг бэлтгэхэд өдөрт 1 кг хүнсний ногоо хэрэгтэй болно.

Луувангаа үрээд , өөрийн сонголтоор дуртай нэг жимс (алим, бэрсүүт жүрж, жүрж г.м), анар жимс ч байж болно, аль эсвэл 2 жижиг киви нэмж өгч болно. Жимсээ үрэгчээр үрж жижиглэж юмуу нарийн жижиглэж хэрчсэн ч болно. Үүнийгээ 1ш дунд хэмжээний нимбэгний шүүс, 1 халбага байгалийн цэвэр зөгийн бал, 1 халбага оливын тосоор амталж өгөөрэй.

19:00 цагт нэг аяга шинэхэн шахсан луувангийн эсвэл лууван-алимны холимог шүүс ууна. Салат тус бүрийнхээ хооронд чихэргүй ус, ногоон цай ууж болно. Мөн луувангаа зууш болгон хэрэглэж ч болно.

ЛУУВАНГИЙН 10 ХОНОГИЙН ХУГАЦААТАЙ БАРИХ ДЭГЛЭМ

Өглөөний цайнд: Луувангийн салат (жор нь өмнөх хувилбартай ижил, харин амталгаа нь хамгийн бага тослогтой 1 – 2 халбага цөцгий байна).

Зуушинд: Нэг аяга шинэхэн шахсан лууван-алимны холимог шүүс.

Үдийн хоолонд: Луувангийн салат.

Үдээс хойш: Нэг аяга луувангийн шүүс.

Оройн хоолонд: Чанасан луувангийн нухаш халуунаар нь.

Луувангийн дэглэм нь ямар нэг ходоод гэдэсний замын болон ялгаруулах тогтолцооны өвчлөлтэй, хурцадмал явцтай архаг хууч өвчинтэй, вирусын халдвараар өвчилсөн тохиолдолуудад эсрэг заалттай, мөн жирэмсэн, хөхүүл үед хориглоно. Олон жишээнээс үзэхэд энэхүү дэглэм нь жин хасахад маш сайн нөлөөтэйн зэрэгцээ өлсөж буй хурц мэдрэмж төрүүлдэггүй. Мөн энэхүү дэглэмийг барьж байгаа эсэхээс үл хамааран өдөр тутмын амьдралдаа лууван түлхүү хэрэглэж байгаарай.

Хамгийн сайхан нь та луувангийн дэглэм барьснаар жингээ хасаад зогсохгүй арьс, нүдний хараа, амьсгалын тогтолцоогоо ч мөн дэмжих юм шүү.

Алдартай хүүхдийн номын зохиолч Anne Cameron өөрийнхөө бүдүүн гэдэсний хорт хавдрын талаарх аймшигтай түүхийг хуваалцжээ. Тэр энэ өвчнийг 2005 онд нөхөр нь химийн эмчилгээ хийлгүүлсэн ч, үр дүнд хүрэлгүй уушгины хорт хавдраар бурхан болсны дараа туссан байж болзошгүй гэж үздэг. 2012 оны 6-р сард тэр хорт хавдрын 3-р шатанд байх үедээ бүдүүн гэдэсний мэс ажилбар хийлгүүлжээ. Түүний хувьд нөхрийнхөө араас бурхны оронд очихыг хүсээгүйгээр барахгүй, химийн эмчилгээ хийлгүүлэхээс цааргалсан байна.

“2012 оны 6-р сард би бүдүүн гэдэсний хорт хавдраас болж мэс ажилбар хийлгүүлсэн юм. Химийн эмчилгээ хийлгүүлэхээс бас татгалзсан. Өдөр бүр бие маань дээрдэж байгаа юм шиг санагдаж байсан ч, 6 сарын дараа шинжилгээ өгөхөд хавдар уушги руу үсэрхийлж, бүдүүн гэдэсний хорт хавдар бүр 4-р шатандаа орсон байв.” гэж Anne сэтгэгдлээ илэрхийлжээ.

Тэр тухайн нөхцөл байдалд тохирох эмчилгээний араас эрэл хайгуул болсон бөгөөд хорт хавдраа луувангийн тусламжтай эмчилж чадсан 26 настай Ralph Callie гэх хүний жишгийг дагахаар шийдсэн байна – өдөр бүр 2.5 кг лууван хоол хүнсэндээ хэрэглэнэ. Ерөнхийдөө бүтэн өдрийн турш гэж ойлгож болно.

Түүний хэлж байгаагаар луувангийн тусламжтай Anne хорт хавдраа ялан дийлж чаджээ.

8 долоо хоногийн дараа хорт хавдрын тархалт зогсож, хавдар нь жижгэрсэн байна.

4 сарын сараа тунгалгийн зангилаанууд хэвийн болж хорт хавдар нь эмчлэгдсээр байв.

8 сарын дараа компьютер томографикын шинжилгээ хийлгүүлэхэд хорт хавдар бүрэн устаж, алга болсон байжээ.

Түүний хэрэглэсэн шидэт ундаа нь их хэмжээний тослог алкоголь болон байгалийн гаралтай пестицидийг найрлагадаа агуулсан байдаг бөгөөд эдгээр нь хавдрын эсрэг үйлчилгээтэй аж – луувангийн шүүс. Мөн лууванд байдаг каротин нь хавдрын эс томрохоос сэргийлдэг байна.

Түүний сонгосон энэ арга барил нь эерэг үр дүнд хүргэсэн юм. Тэр бүү хэл Anne өөрийн бичсэн “Carrot Cancer Treatment” номдоо энэ талаар дэлгэрэнгүй бичсэн байдаг – “Amazon”-оос худалдаж авах боломжтой.

Жор:

6 ширхэг лууван

1/2 нимбэг, хальсалсан

5 см зүсэм цагаан гаа

5 см зүсэм шинэхэн куркума

1/8 цайны халбага хатаасан шанцай

1/2 аяга ус

Хийх заавар:

Бүх орцуудыг холигчид хийж, сайтр холино. Лууванг куркума болон цагаан гаатай хамт хэрэглэснээр илүү их ач тустай байдаг.

Нэг дор энэ шүүснээс их хэмжээгээр хийгээд хөргөгчид хийж хадгалаад өглөө бүр уух ёстой.

Бөөр бол цусыг шүүж, биеэс хэрэггүй хортой бодисуудыг шүүж гадагшлуулан, хэрэгтэй аминдэм, эрдэс , уураг зэргийг цусанд буцаан оруулдаг чухал эрхтэн юм.

1.Бөөр өвдөхөд хамгийн түрүүнд шээсний өнгө өөрчлөгддөг байна. Ихэвчлэн шээсний өнгө тод шар болж, хурц үнэртэй болно. Ялангуяа өглөөний өлөн үеийн шээсний өнгө илүүтэй өөрчлөгддөг байна. Хүндэрсэн үед цустай шээс гарч болно. Цустай шээх: Энэ бол хайхралгүй өнгөрч болохгүй шууд анхаарал хандуулах ёстой шинж тэмдэг юм.

2.Хөөстэй шээс: Бөөр уургийг цуснаас шүүж чадахгүй болсоноор шээсээр уураг гарч, энэ нь шээстэй хөөстэй болсон мэт бидэнд харагддаг. Энэ бол бөөр нарийн бүтцэндээ буюу түүдэнгэрцэртээ үрэвсэж, хүндэрч байгааг илэрхийлнэ Гэхдээ ердийн үед бага зэрэг шээс хөөсөрч, 2-3 сек болоод арилдгийг санаарай. Шээсний хөөс удаан хугацаагаар л байгаад байвал бөөрний үрэвсэл байна гэж үзэхийг анхаарна уу

Хавагнах: Таны бие дэх бүх шингэн бөөрөөр дамжин гадагшилж байх ёстой. Бөөр шингэн гадагшлуулж чадахгүй үед биеэр тарж голдуу хөл, шилбэ хавиар хавагнадаг. Мөн нүүр цэлхэрч, гар хавиар бас хавагнадаг.

4.Маш их ядрах: Бөөрний үйл ажиллагаа хэвийн үед бөөр нь Эритропоэтин хэмээх гормоныг боловсруулдаг бөгөөд энэ нь цусны улаан эсийг хүчилтөрөгч тээвэрлэхэд нь тусалдаг. Бөөрний хэвийн үйл ажиллагаа алдагдах үед энэхүү гормоны хэмжээ мэдэгдэхүйц буурдаг. Энэхүү цусны улаан эсэн дахь өөрчлөлт таны биеийг сульдуулж ядруулдаг.

5.Толгой эргэх болон аливаа зүйлд төвлөрч чадахаа болих: Таны бөөр биеийг тань ядруулахаас гадна хүчилтөрөгчийн дутагдал тархинд бас нөлөөлдөг. Үүнээс болоод таны толгой манарч, төвлөрөхөд хүндрэлтэй байж магадгүй юм. Таны тархин дахь хүчилтөрөгчийн хэмжээ дутагдсанаас шалтгаалж үйл ажиллагаа нь удааширдаг.

6.Байнга даарах: Бөөрний үрэвсэл болон дутагдлаас болоод биеийн цус багасдаг. Үүнээс болоод өмнө нь даардаггүй байсан биеийн хэсгүүд хүйтэн болж байнга даарах тохиолдол байдаг. Бөөрний халдварт өвчин пиелонефритээс болж халуурах болон даарах тохиолдол байдаг.6.Арьсан дээгүүр юм туурч загатнах: Энэхүү шинж тэмдгийг харшилтай андуурах нь элбэг байдаг. Гэтэл бие дээгүүр юм туурах нь бөөрний үрэвсэл болон дутагдлын шинж тэмдэг байх тохиолдлууд байдаг байна. Таны цусан дахь хорт бодис бөөрөөр дамжин гадагшилж чадахгүй ихсэж бөөрний архаг дутагдал болж болох юм. Үүнээс болоод бие загатнаж, бие дээгүүр юм туурдаг. Мөн цусан дахь фосфорын хэмжээ байх ёстой хэмжээнээсээ ихэссэн үед биеийн бүх хэсгээр загатнах шинж тэмдэг илэрдэг.

7.Аманд шүвтэр амтагдах: Бөөрний дутагдал цусан дахь шээсний хэмжээг ихэсгэдэг. Үүнээс болоод аммиак болсон шээс шүлс ялгаруулаад тэр нь амны хөндийг шүвтэр амттай болгодог.

8.Дотор муухайрч бөөлжих: Хэрвээ таны бөөр дутагдалд орж байгаа бол тогтмол дотор муухайрч бөөлжих шинж тэмдэг илрэнэ. Нэг удаа болоод өнгөрөхгүй гэсэн үг. Товчхондоо шээсээр гадагшлах ёстой шингэн жам ёсоороо гарч чадахгүй дотрыг тань муухайруулж бөөлжүүлж байна гэсэн үг.

Бие зарайж, халуурах: Бөөрний өвчин ихэвчлэн нянгаар үүсгэгдсэн байдаг тул бие бага зэрэг халуурдаг.

Артерын даралт ихсэх: Бөөрний үрэвслийн үед бөөрнөөс ренин гэх бодис их хэмжээгээр ялгарснаас болж бүх судас хүчтэй агшин артерын даралт ихэсдэг.

Таван цул эрхтний нэг бөөр юм. Бид даарч хөрөх үсэрч дэвхрэх зэрэг элдэв явдлаас бөөр өвддөг. Бөөр бол биен дэх усны хэмжээг тогтвортой байлгах үүрэгтэй 9-11 см 130гр жинтэй эрхтэн юм

Бөөр муудаж өвдөхөд:

Тэхийн шээг чанаж уудаг. Энэ нь үр дүн өгдөгийг хүн бүр мэдэх бизээ

Цахилдагны үндэс чанаж уух их сайн.цусаар шээж байсан хүн зүгээр болдог юм билээ

Бөөр шээс ялгаруулах болон давсагний үйл ажиллагаатай холбоотой учир эмчилгээ адил байдаг бололтой. Орондоо шээдэг хүүхдэд цээнийн үндэс чанаж тогтмол уулгахад шээхээ больдог

Мөн шээс хаагдсан үед цахилдаг буурцагны үндэс чанаж аягыг өгөхөд 30 минут дараа зүгээр шээдгийг би олон удаа үзэж байна

Шүдлэн хонины бөөрийг борцолж нүдээд өдөрт 3 удаа хоолны жижиг хонины ахар сүүлны яс чанаж уухад бөөр бэлхүүсний өвчин арилдаг.

Бөөр муудсан хүн туйплан уух нь энэ сайн.

Бөөрний чулуутай хүн нэг дор 3 пиво уугаад хөлсөө гартал гүйхэд чулуу бутарч гадагшилдаг.

Давсагны чулуутай хүн бөөрөнхий сонгино жижиглэж хэрчээд шилний тал хүртэл хийгээд сайн архи хийж 12 хоног дулаан газар тавиад өдөрт 3 удаа хоолны өмнө халбагаар уухад чулуу хайлж гарна

Нохойн хошууны хандыг байнга хэрэглэхэд бөөр ходоодны өвчингүй болно

Тарвасны шүүс бөөр цэвэрлэдэг чулууг гадагшлуулна

Янгир ямааны мах бөөрөнд нэн тустай

1 л усанд том халбагаар 2 тэхийн шээг хийж хандалж уухад сайн

-Бөөр хөрч илч буурахад галуу шувууны мах шөл идвэл сайн

-Тарвагны хорхогны шөлөнд чижүү хийж халуунаар нь ууна. 2-3 уухад насанд туршид бөөр нуруу чинь өвдөхгүй

-Бөөрний хий ихэдсэнээс дөрвөн мөч янгинаж өвдөнө. Шар тос, Арвайн гурил,бор давс адил хэмжээтэй хольж бүлээн жин тавиад эдгэрнэ

Бидний элэг бол өвөрмөц эрхтэн юм. Үүнгүйгээр бид аз жаргалтай амьдрах боломжгүй. Элэг бол эрүүл мэнд, урт наслалтын хэмжүүр юм. Өнөөдөр бид элгийг хорт бодис, хамгийн чухал нь өөх  тосноос байгалийн аргаар цэвэрлэх талаар авч үзэх болно.

Үзэм, ус байхад л хангалттай ба энэ 2 байгалийн эрдэст бүтээгдэхүүнийг ашиглан 2 хоногийн дотор таны элгийг цэвэрлэх болно.

Энэхүү гайхалтай эм нь таны элгийг цэвэрлэж, хорт бодисоос хамгаалах болно. Үзэм зүрхний эрүүл мэндэд тустай, муу холестериныг цэвэрлэж триглицеридийг бууруулж, өтгөн хатахаас сэргийлдэг.

Үзэм ний ашиг тус үүгээр дуусахгүй. Бидний сайн мэдэх уг хатаасан жимс нь витамин, эрдэс бодисын байгалийн эх үүсвэр юм. Үзэм ний шүүс хийж хэрэглэснээр энэ хатаасан жимсэнд агуулагдах элсэн чихрийн хэмжээ багасна. Ингэснээр та элэгний маш сайн эмийг авах болно. Сард дор хаяж нэг удаа үзэм ний ханд бэлдэж 2 хоногийн турш уух нь элэгний үйл ажиллагааг сайжруулж, бидний биеийг цэвэрлэх үндсэн үйл ажиллагааг сэргээх боломжийг олгодог.

Үзэмнээс гаргаж авсан шүүс уух нь элэг цэвэрлэх энгийн бөгөөд үр дүнтэй арга төдийгүй хоол боловсруулалтыг сайжруулах сайн арга юм. Үзэм бол антиоксидантаар баялаг байгалийн эх үүсвэрүүдийн нэг гэдгийг битгий мартаарай. Хатаасан усан үзэм биофлавониод 1–ийн, бидний биеийг чөлөөт радикалуудын сөрөг нөлөөллөөс хамгаалж, дархлааг бэхжүүлдэг.

Орой нь 2 аяга усанд 150 гр хар үзэм хийж 20 минут буцалгана.

Шөнийн турш үзмийг усанд нь үлдээнэ.

Маргааш өглөө нь та халуун, бүлээн, хүйтэн аль ч байдлаар ууж болно. Орой бүр шинээр үзэмний ханд бэлтгэ.

2 хоногийн дараа та эерэг үр дүнг мэдэрч эхэлнэ. Эмчилгээг бүтэн долоо хоногийн турш үргэлжлүүлэх нь илүү их үр дүнг танд авчрах болно. Үүнээс гадна та өөх тосны хүчлийн хэрэглээгээ багасгаж, согтууруулах ундаа хэрэглэхээс зайлсхийх хэрэгтэй.

Үзэмний шүүс ууснаар хүний биед калийг нөхдөг. Хаван хөөх эм их уухад биед буй калиа алдаж, үүний улмаас бие сульдан, шөрмөс татаж ядардаг. Ийм үед үзэмний шүүс уух хэрэгтэй. Үзэм нькалиас гадна өөр олон төрлийн тэжээллэг эрдэс бодис, витамин агуулдаг. Хатаасан усан үзэм буюу үзэм нь их калитай байдаг. Хүний биед хэвийн хэмжээнд цусанд нь 3-6 мгр кали байх ёстой. Усан үзмийн байгалийн идэвхтэй нэгдлүүд бие махбодийг сэргээдэг бол ресвератрол нэгдэл хүний адипонектин уургийн дааврын ялгаралтыг нэмэгдүүлдэг байна.

Түүний найрлаган дахь кальци нь ясыг хэврэгшил хугарахаас сэргийлдэг бол цайр болон витамин “С” нь биеийн эсэргүүцлийг сайжруулж дархлалыг бэхжүүлсэнээр ялангуяа өвлийн улиралд ханиад юм уу томуу тусахаас хамгаалдаг. Мөн магни болон витамин “В” нь мэдрэлийн ачааллыг багасгах бөгөөд витамин “А” нь арьсыг цэвэрлэж, өнгөлөг, уян хатан болгодог. Түүнчлэн усан үзмийн найрлаганд маш ихээр агуулагддаг кали нь бөөр элэг цөсний ажиллагааг сайжруулдаг. Адипонектин нь тарган эсийн бүтцэд нөлөөлж, задалдаг аж.

Хоёр долоо хоногийн турш гурван өдөр оройн хоолондоо зөвхөн усан үзэм идвэл үр дүнг нь шууд мэдрэх гэнэ. Боломжтой бол өдөрт 1.5 кг-ээс ихгүй усан үзэм идвэл бүр ч тустай аж. Усан үзэм нь жингээ хаяхад тусалдгаас гадна биеэс хорт бодисыг гадагшлуулдаг ид шидтэй. Энэ шидээрээ чихрийн шижинтэй хүмүүст нэн тустай.

Хатаасан үзмийг ашиглан халуун усанд хандлаж уухыг монголчууд үзэмний шүүс хэмээн нэрлэж заншсан байна.

Сайн чанарын хатаасан үзмийг сайтар цэвэрлэж шигшинэ. Хүйтэн усаар зайлж угааж болно.

Усыг буцалгаж галаас гаргаж хөргөнө.

Халуун бүлээн усанд хатаасан үзэм, элсэн чихэр, давсыг хийж уустал нь сайтар хутгасны дараа зөөлөн гал дээр тавьж зөөлөн буцалгаж хутгаарай. Аяндаа үзэм хандлагдаж ус бор шаргал өнгөтэй болох болно. Хүсвэл элсэн чихэр давс хийхгүйгээр хандлаж хэрэглэвэл таны эрүүл мэндэд нэн сайн. Ингээд галаас гаргаж хуванцар сав эсвэл шилэнд хийж хөргөөд хүссэн үедээ ууж болно.

Үзэм нь элбэг байдаг байгалийн витамин, эслэгээр баялаг гайхамшигтай тэжээл юм. Тэгвэл үзэмний шүүсийг өглөө сэрээд уух нь ямар ашигтай вэ?

1. Таны элэг болон гэдэс ходоодны хорыг арилгана. Үзэм нь хоргүйжүүлэх үйлчилгээтэй их хэмжээний антиоксидант агуулдаг байна. Түүнд агуулагдах антиоксидантууд нь бидний элэгний үйл ажиллагааг дэмжиж, хоргүйжүүлэнэ. Мөн гэдэсний гүрвэлзэх хөдөлгөөнийг сайжруулж, өтгөн гадагшлуулж, гэдэс цэвэрлэхэд тусалдаг. Үүнийг өглөө сэрээд өлөн дээрээ уувал үр дүн нь илүү байдаг.

2. Таныг хурдан хугацаанд эрч хүч, энергээр баяжуулах болно. Судлаачид болон спортын мэргэжилтнүүдийн үзэж байгаагаар үзэм нь эрчим хүчний баарт сайн орлуулагч болж чадна гэж үздэг. Үзэм нь маш олон тооны эслэг, микро шим тэжээл агуулдаг бөгөөд бусад эрч хүчний бааруудаас ялгаатай нь элсэн чихрийн болон хиймэл амт орлуулагчгүй эрүүл зууш юм. Өглөөний цайны дараа үзэмтэй ус уух нь тэр өдрийг эрч хүчээр дүүргэх болно.

3. Таны холестерины түвшинг бууруулж, цусны даралтыг тогтворжуулна. Эрдэмтдийн судалгаанаас үзэхэд үзэм нь бусад төрлийн хөнгөн зууштай харьцуулахад шанцлаг, кали, фитонутриент, антиоксидант зэргээр маш их баялаг байдаг. Үзэм иддэг үзэмний шүүс уудаг хүмүүсийг бусад хүмүүстэй харьцуулхад цусны даралт бага байдаг.

Өөрөөр хэлбэл, үзэм идэх нь холестерины түвшинг бууруулахад хүргэдэг бөгөөд энэ нь зүрх судасны өвчин үүсгэх эрсдэлийг эрс бууруулдаг. Судлаачид болон байнга хэрэглэдэг хүмүүсийн туршлага нь үзэм бол эрүүл мэндийн ач тустай жинхэнэ супер хоол тэжээл гэдгийг баталж байна.

Гэсэн хэдий ч, энэ нь таны эрүүл хоолны дэглэмд сайн хөрөнгө оруулалт хийж байгаа ч эмийг орлохгүй гэдгийг санаарай. Хэрэв танд элэг, зүрх, цусны даралт, бусад эрхтнүүд, эсвэл биеийн аль нэг системд ямар нэг хүндрэл байвал эмчид хандахыг зөвлөж байна.